1. വിനോദം
  2. സിനിമ
  3. കാര്യം നിസ്സാരം
  4. Legend Saravanan new look goes viral

തലൈവരേ നീങ്കളാ... പുത്തൻ ലുക്കിൽ ഞെട്ടിച്ച് ലെജൻഡ് ശരവണൻ: പുതിയ ചിത്രം ഉടൻ

legend
ശരവണാ സ്റ്റോർസ് എന്ന സ്ഥാപനത്തിൻ്റെ പരസ്യങ്ങളിലൂടെ ആസ്വാദകശ്രദ്ധ സ്വന്തമാക്കിയ വ്യക്തിയാണ് ലെജൻഡ് ശരവണൻ. സ്വന്തം മുഖം ഉപയോഗിച്ച് സ്വന്തം സ്ഥാപനത്തെ പരസ്യം ചെയ്ത ശരവണൻ ആരാധകർക്കിടയിൽ ട്രോൾ മെറ്റീരിയൽ ആയെങ്കിലും കഴിഞ്ഞവർഷം ലെജൻഡ് എന്ന സിനിമയിലൂടെ കോളിവുഡിലും താരം ഒരു പരീക്ഷണം നടത്തിയിരുന്നു.
 
ലെജൻഡ് എന്ന് പേരായ ചിത്രം തമിഴകത്ത് അത്യാവശ്യം വിജയം നേടിയ ചിത്രമായിരുന്നു. ഇപ്പോഴിതാ ലെജൻഡ് എന്ന ചിത്രത്തിൻ്റെ വിജയത്തിന് ശേഷം പുതിയ ഒരു പ്രൊജക്ടിനൊരുങ്ങുകയാണ് ശരവണൻ. ട്രിം ചെയ്ത് നിർത്തിയ താടിയും മീശയുമായി പുത്തൻ ലുക്കിലുള്ള ശരവണൻ്റെ ചിത്രങ്ങളാണ് ഇപ്പോൾ പുറത്തുവന്നിരിക്കുന്നത്. ലെജൻഡ് എന്ന സിനിമയിൽ നിന്നും തീർത്തും വ്യത്യസ്തമായ ലുക്കാണിത്.
 
റിലീസിന് മുൻപ് നെഗറ്റീവ് പബ്ലിസിറ്റിയും പരിഹാസവും നേരിട്ടിരുന്നെങ്കിലും ലെജൻഡ് ബോക്സോഫീസിൽ വിജയമായിരുന്നു. കഴിഞ്ഞ വർഷം ജൂലൈയിൽ റിലീസ് ചെയ്ത സിനിമ ഡിസ്നി ഹോട്ട്സ്റ്റാറാണ് ഒടിടി റിലീസ് ചെയ്തത്. ചിത്രത്തിൽ ശരവണൻ എന്ന ശാസ്ത്രജ്ഞനായാണ് ശരവണൻ അഭിനയിച്ചിട്ടുള്ളത്.
 
അടുത്ത ലേഖനം
നടൻ രാഹുൽമാധവ് വിവാഹിതനായി, ആശംസകൾ നേർന്ന് സിനിമാലോകം