നിര്‍മ്മാതാവ് ആന്റണി പെരുമ്പാവൂരിന്റെ ജന്മദിനമാണ് ഇന്ന്. ആശംസകളുമായി സിനിമ മേഖലയിലുള്ള സുഹൃത്തുക്കള്‍ നേരത്തേ തന്നെ എത്തി. ഇപ്പോളിതാ പൃഥ്വിരാജ് അദ്ദേഹത്തിന് പിറന്നാളാശംസകള്‍ നേര്‍ന്നു. ഹാപ്പി ബര്‍ത്ത് ഡേ പ്രൊഡ്യൂസര്‍ എന്നാണ് ആന്റണി പെരുമ്പാവൂരിന് ഒപ്പമുള്ള ചിത്രം പങ്കുവെച്ചുകൊണ്ട് കുറിച്ചത്.

മോഹന്‍ലാല്‍ സംവിധാനം ചെയ്ത് ആന്റണി പെരുമ്പാവൂര്‍ നിര്‍മിക്കുന്ന ബാറോസില്‍ പൃഥ്വിരാജും ശ്രദ്ധേയമായ വേഷത്തില്‍ എത്തുന്നുണ്ട്. നടന്റെ ഭാഗങ്ങള്‍ അടുത്തിടെ ചിത്രീകരിച്ചിരിക്കുന്നു.

സിനിമ പ്രേമികള്‍ ഒന്നടക്കം കാത്തിരിക്കുന്ന എമ്പുരാന്‍ ഷൂട്ടിംഗ് വൈകാതെ തന്നെ തുടങ്ങും. മോഹന്‍ലാല്‍ പിറന്നാള്‍ ആശംസകള്‍ നേര്‍ന്നു കൊണ്ടാണ് പൃഥ്വിരാജ് ഇക്കാര്യത്തെക്കുറിച്ച് പറഞ്ഞത്. മഹാമാരി കാലമായതിനാല്‍ മാത്രമാണ് ചിത്രീകരണം വൈകുന്നത്. അല്ലെങ്കില്‍ ഇപ്പോള്‍ എമ്പുരാന്‍ ഷൂട്ടിംഗ് തുടങ്ങിയിട്ടുണ്ടാകുമെന്നും പൃഥ്വിരാജ് പറഞ്ഞിരുന്നു.