കെ ആര്‍ അനൂപ്|
Last Modified വെള്ളി, 21 മെയ് 2021 (11:30 IST)
40 വര്‍ഷത്തെ അഭിനയ ജീവിതത്തിനിടയില്‍ ലാല്‍ ആദ്യമായി സംവിധായകന്റെ തൊപ്പി അണിയുകയാണ്. ക്യാപ്റ്റന്‍ കൂള്‍ ആണെന്ന് തെളിയിക്കുന്ന സ്‌പെഷ്യല്‍ വീഡിയോയുമായാണ് ബാറോസ് ടീം അദ്ദേഹത്തിന് ആശംസകള്‍ നേര്‍ന്നത്. നിര്‍മ്മാതാവ് ആന്റണി പെരുമ്പാവൂരും ഛായാഗ്രഹകന്‍ സന്തോഷ് ശിവനും മറ്റ് അഭിനേതാക്കളും അണിയറപ്രവര്‍ത്തകരും തങ്ങളുടെ പ്രിയപ്പെട്ട ലാല്‍സാറിന് പിറന്നാളാശംസകള്‍ നേര്‍ന്നു.
ലൊക്കേഷനിലുളള ഓരോരുത്തര്‍ക്കും കാര്യങ്ങള്‍ പറഞ്ഞു കൊടുക്കുന്ന ഡയറക്ടര്‍ മോഹന്‍ലാലിനെ കണ്ടതിന്റെ ആവേശത്തിലാണ് ആരാധകരും.
ബാറോസ് ആദ്യ ഷെഡ്യൂള്‍ ഗോവയില്‍ പൂര്‍ത്തിയായി.പൃഥ്വിരാജിന്റെ ഭാഗങ്ങളുടെ ചിത്രീകരണവും ഇതിനകം നടന്നു. ബാറോസ് എന്ന ഭൂതം ആകാന്‍ മോഹന്‍ലാല്‍ താടി നീട്ടി വളര്‍ത്തുന്നുമുണ്ട്.
