ലോകം പോയ വര്‍ഷം: അമേരിക്കയുടെ സാമ്പത്തിക പ്രതിസന്ധി മുതല്‍ ജനപ്രിയ പോപ്പിന്റെ സ്ഥാനാരോഹണം വരെ
PRO
PRO
ജനകീയപ്രക്ഷോഭം രൂക്ഷമായ ഈജിപ്‌തില്‍ പട്ടാള അട്ടിമറിയിലൂടെ പ്രസിഡന്റ്‌ മുഹമ്മദ്‌ മുര്‍സിയെ പുറത്താക്കിയ സൈന്യം രാജ്യത്തിന്റെ ഭരണഘടന റദ്ദാക്കി. മുര്‍സിയെ പ്രസിഡന്റ്‌ സ്‌ഥാനത്തുനിന്ന്‌ പുറത്താക്കിയെന്നും ഭരണഘടനാ കോടതി ചീഫ്‌ ജസ്‌റ്റിസിനു താല്‍ക്കാലിക ചുമതല നല്‍കിയെന്നും ഈജിപ്ഷ്യന് മിലിട്ടറി കമാന്‍ഡര്‍ ജനറല്‍ അബ്‌ദല്‍ ഫത്താഹ്‌ അല്‍-സിസി ടെലിവിഷനിലൂടെ രാജ്യത്തെ അറിയിച്ചത്.
ഭരണപ്രതിസന്ധി പരിഹരിക്കാന്‍ നല്‍കിയ 48 മണിക്കൂര്‍ അന്ത്യശാസനം മുര്‍സി തള്ളിയതിനെത്തുടര്‍ന്നാണ് സൈന്യം പ്രസിഡന്റിന്റെ കൊട്ടാരം വളഞ്ഞത്. മുര്‍സിക്ക്‌ സൈന്യം യാത്രാവിലക്ക്‌ ഏര്‍പ്പെടുത്തി. രാജ്യത്തെ വാര്‍ത്താ വിനിമയ സംവിധാനങ്ങളും വിഛേദിച്ചു. തലസ്‌ഥാനമായ കെയ്‌റോയില്‍ ഉള്‍പ്പെടെ റോഡുകളുടെയും തന്ത്രപ്രധാനസ്‌ഥാപനങ്ങളുടെയും നിയന്ത്രണം സൈന്യം ഏറ്റെടുത്തു.
അതിനിടെ, കെയ്‌റോ സര്‍വകലാശാലയില്‍ മുര്‍സിയെ എതി ര്‍ക്കുന്നവരും അനുകൂലിക്കുന്നവരും തമ്മിലുണ്ടായ ഏറ്റുമുട്ടലില്‍ 16 പേര്‍ കൊല്ലപ്പെട്ടു. ഇരുനൂറിലേറെപ്പേര്‍ക്കു പരുക്കേറ്റു. മുര്‍സിയെ പിന്തുണച്ച്‌ നൂറു കണക്കിന്‌ മുസ്ലിം ബ്രദര്‍ഹുഡ്‌ രംഗത്തെത്തി. ഇത് മുസ്ലീം ബ്രദര്‍ഹുഡിന്റെ നിരോധനത്തിലേക്ക് വഴിവെച്ചു. രാജ്യത്ത് മുസ്ലിം ബ്രദര്‍ഹുഡിന്റെ പ്രവര്‍ത്തനങ്ങള്‍ നിരോധിച്ച് ഈജിപ്ഷ്യന് കോടതിയാണ് നിര്‍ണായക വിധിപ്രസ്താവം പുറപ്പെടുവിച്ചത്. സംഘടനയുടെ മുഴുവന്‍ സ്വത്തുക്കളും കണ്ടുകെട്ടാനും ഇടക്കാല സര്‍ക്കാരിനോട് കോടതി ഉത്തരവിട്ടു.
അടുത്ത പേജില്‍: ഫിലിപ്പീന്‍സിനെ ചുഴറ്റിയടിച്ച ഹയാന്‍
