അനുബന്ധ വാര്ത്തകള്
- ' വല്ലാത്തൊരു സ്വഭാവം, ഇവനൊക്കെ എങ്ങനെ ഇന്ത്യയെ നയിക്കും ' ; ഹാര്ദിക്കിനെതിരെ രൂക്ഷ വിമര്ശനം
- ക്രിസ് ഗെയ്ലിന് ശേഷം അപൂര്വ്വ നേട്ടം സ്വന്തമാക്കി സഞ്ജു സാംസണ്
- 'ഹാര്ദിക്കേ...മലയാളികളോടാണോ കളി'; സഞ്ജുവിനോട് മുട്ടാന് വന്ന ഗുജറാത്ത് നായകനെ പഞ്ഞിക്കിട്ട് സോഷ്യല് മീഡിയ
- ഹാര്ദിക് ചൊറിഞ്ഞു, സഞ്ജു കേറി മാന്തി; സ്ലെഡ്ജിങ്ങിന് വായടപ്പിക്കുന്ന മറുപടി കൊടുത്ത് രാജസ്ഥാന് നായകന്
- ബുമ്രയ്ക്ക് പിന്നാലെ ശ്രേയസ് അയ്യരും രജത് പാട്ടീദാറും ശസ്ത്രക്രിയയ്ക്കായി യുകെയിലോട്ട്
'ഹാര്ദിക്കിന് സഞ്ജുവിനോട് അസൂയ, ക്യാപ്റ്റന് സ്ഥാനം പോകുമോ എന്ന പേടി'; ആരാധകര് കലിപ്പില്
മത്സരത്തിനിടെ ഹാര്ദിക് സഞ്ജുവിനെ സ്ലെഡ്ജ് ചെയ്തിരുന്നു
ഹാര്ദിക് പാണ്ഡ്യ സഞ്ജു സാംസണോട് കലിപ്പ് കാണിക്കുന്നത് അസൂയ കാരണമാണെന്ന് സോഷ്യല് മീഡിയ. സഞ്ജു ഇന്ത്യന് ടീമിലേക്ക് എത്തിയാല് തന്റെ അപ്രമാദിത്തം നഷ്ടമാകുമെന്ന് ഹാര്ദിക്കിന് അറിയാമെന്നും അതുകൊണ്ടാണ് സഞ്ജുവിനോട് ഇത്രയും വിരോധം പ്രകടിപ്പിക്കുന്നതെന്നും ആരാധകര് പറയുന്നു. ഗുജറാത്ത് ടൈറ്റന്സ്-രാജസ്ഥാന് റോയല്സ് മത്സരത്തിനു പിന്നാലെയാണ് ആരാധകര് ഇക്കാര്യം ചൂണ്ടിക്കാട്ടിയത്.
മത്സരത്തിനിടെ ഹാര്ദിക് സഞ്ജുവിനെ സ്ലെഡ്ജ് ചെയ്തിരുന്നു. സഞ്ജുവിന്റെ അരികില് വന്ന് ഹാര്ദിക് എന്തോ പറയുന്നത് വീഡിയോയില് കാണാം. എന്നാല് ഇതിനോട് വളരെ സൗമ്യമായാണ് സഞ്ജു പ്രതികരിച്ചത്. തൊട്ടുപിന്നാലെ ബൗണ്ടറി നേടി മറുപടി കൊടുക്കുകയും ചെയ്തു. കൂടാതെ സിംഗിള് പൂര്ത്തിയാക്കിയ ശേഷവും ഒരു തവണ സഞ്ജുവിനോട് ഹാര്ദിക് പ്രകോപനപരമായി എന്തോ പറയുന്നത് കാണാം. അപ്പോഴും സഞ്ജു ഒഴിഞ്ഞുമാറുകയായിരുന്നു.
സഞ്ജുവിനോട് ഹാര്ദിക്കിന് അസൂയയാണെന്നാണ് ആരാധകര് പറയുന്നത്. ഇന്ത്യന് ടീമില് രണ്ട് മുതിര്ന്ന താരങ്ങള്ക്ക് സഞ്ജുവിനോട് നീരസം ഉണ്ടെന്ന് ബിസിസിഐ മുന് ചീഫ് സെലക്ടര് ചേതന് ശര്മ രഹസ്യ വീഡിയോയില് പറഞ്ഞിരുന്നു. ഇതുമായി ബന്ധപ്പെടുത്തിയാണ് ഹാര്ദിക്കിന്റെ പെരുമാറ്റത്തെ ആരാധകര് വിലയിരുത്തുന്നത്. ചേതന് ശര്മ ഉദ്ദേശിച്ച ഒരു സീനിയര് താരം ഹാര്ദിക് തന്നെയെന്ന് ആരാധകര് പറയുന്നു. സഞ്ജു ഇന്ത്യന് നായകനാകാതിരിക്കാന് അണിയറയില് കളിക്കുന്നവരില് ഒരാള് ഹാര്ദിക് തന്നെയെന്നാണ് ആരാധകരുടെ വാദം. അല്ലെങ്കില് ഇന്ത്യന് ടീമില് മറ്റൊരു താരത്തിനോടും കാണിക്കാത്ത ദേഷ്യം ഹാര്ദിക് എന്തിനാണ് സഞ്ജുവിനോട് മാത്രം കാണിക്കുന്നതെന്ന് ആരാധകര് ചോദിക്കുന്നു.
