T 20 World Cup Point Table:
നെതര്‍ലന്‍ഡ്‌സിനെതിരായ മത്സരത്തിലെ വിജയത്തിനു പിന്നാലെ പോയിന്റ് ടേബിളില്‍ ഇന്ത്യയുടെ കുതിപ്പ്. ഗ്രൂപ്പ് രണ്ടില്‍ ഒന്നാം സ്ഥാനത്താണ് ഇപ്പോള്‍ ഇന്ത്യ. രണ്ട് കളികളില്‍ രണ്ടും ജയിച്ച ഇന്ത്യക്ക് നാല് പോയിന്റാണ് ഇപ്പോള്‍ ഉള്ളത്. രണ്ട് കളികളില്‍ മൂന്ന് പോയിന്റുള്ള ദക്ഷിണാഫ്രിക്കയാണ് രണ്ടാം സ്ഥാനത്ത്. +1.425 ആണ് ഇന്ത്യയുടെ നെറ്റ് റണ്‍റേറ്റ്. എന്നാല്‍ രണ്ടാം സ്ഥാനത്തുള്ള ദക്ഷിണാഫ്രിക്കയ്ക്ക് +5.200 ആണ് നെറ്റ് റണ്‍റേറ്റ്.

സെമിയിലെത്താല്‍ ഇന്ത്യക്ക് ഇനി രണ്ട് ജയം കൂടി നിര്‍ണായകമാണ്. ഗ്രൂപ്പ് ഘട്ടത്തില്‍ മൂന്ന് മത്സരങ്ങള്‍ ശേഷിക്കുന്നുണ്ട്. ദക്ഷിണാഫ്രിക്ക, ബംഗ്ലാദേശ്, സിംബാബെ എന്നിവരാണ് ശേഷിക്കുന്ന മത്സരങ്ങളില്‍ ഇന്ത്യയുടെ എതിരാളികള്‍.