വരാനിരിക്കുന്ന ടി20 ലോകകപ്പിനായുള്ള തയ്യാറെടുപ്പിലാണ് ഇന്ത്യ അടക്കമുള്ള ടീമുകൾ. ഇതിന് മുന്നോടിയായുള്ള പരിശീലനമത്സരങ്ങളായിട്ടാണ് ടീമുകൾ നിരവധി ടി20 മത്സരങ്ങൾ കളിക്കുന്നത്. ഇംഗ്ലണ്ടുമായുള്ള ടി20 സീരീസിലൂടെ ഇന്ത്യ ലോകകപ്പ് സ്വപ്നങ്ങൾ സജീവമാക്കുമ്പോൾ പാകിസ്ഥാന് മുന്നറിയിപ്പുമായി രംഗത്ത് വന്നിരിക്കുകയാണ് മുൻ പാകിസ്ഥാൻ പേസർ ഷോയേബ് അക്തർ.

ടി20 ലോകകപ്പിൽ ഇന്ത്യയെ തോൽപ്പിക്കുക പാകിസ്ഥാന് എളുപ്പമാകില്ലെന്നാണ് അക്തർ പറയുന്നത്. കൃത്യമായ തയ്യാറെടുപ്പുകളോടെയാകും ഇന്ത്യ ലോകകപ്പ് കളിക്കാനെത്തുക. അതിനാൽ ഇന്ത്യയെ തോൽപ്പിക്കുക എളുപ്പമാകില്ല. മത്സരഫലം പ്രവചിക്കാൻ സാധിക്കില്ല എങ്കിലും പാകിസ്ഥാൻ മത്സരത്തിൽ രണ്ടാമത് ബൗൾ ചെയ്യുന്നതാകും നന്നാകുക.കാരണം മെൽബണിലെ പിച്ച് ബൗളിങ്ങിനെ തുണയ്ക്കുന്നതാണ്. അക്തർ പറഞ്ഞു. ഒക്ടോബർ 23ന് ഞായറാഴ്ചയാണ് ലോകകപ്പിൽ ലോകം കാത്തിരിക്കുന്ന ഇന്ത്യ-പാക് പോരാട്ടം നടക്കുക.