അനുബന്ധ വാര്ത്തകള്
- മലപ്പുറത്തു നിയന്ത്രണങ്ങള്ക്ക് ഇളവ്: ഞായറാഴ്ചകളിലെ ലോക്ഡൗണ് ഒഴിവാക്കി
- ഇന്നലെ കൊവിഡ് മുക്തരായത് 2716 പേര്; കൊവിഡ് മുക്തരാകുന്നവരുടെ പ്രതിദിന കണക്കില് ഏറ്റവും ഉയര്ന്നത്
- രാജ്യത്ത് കൊവിഡ് ബാധിതരുടെ എണ്ണം 40 ലക്ഷം കടന്നു, 24 മണിക്കൂറിൽ 86,432 പേർക്ക് രോഗം
- ഇളവുകള് ആഘോഷമാക്കരുതെന്ന് ആരോഗ്യമന്ത്രി
- സംസ്ഥാനത്ത് പുതിയ ഹോട്ട്സ്പോട്ടുകള് 16; 28പ്രദേശങ്ങളെ ഒഴിവാക്കി
ഞായറാഴ്ചകളില് ലോക്ക്ഡൗണ് ഇല്ല
മലപ്പുറം ജില്ലയില് കോവിഡ് പ്രതിരോധത്തിനായി ജില്ലയിലെ കണ്ടെയെന്മെന്റ് സോണുകള് അല്ലാത്ത പ്രദേശങ്ങളില് ഏര്പ്പെടുത്തിയ കര്ശന നിയന്ത്രണങ്ങളില് ഇളവുകള് വരുത്തി ജില്ലാകലക്ടര് കെ.ഗോപാലകൃഷ്ണന് ഉത്തരവിറക്കി. ജില്ലയില് ഞായാറാഴ്ചകളില് നിലനിന്നിരുന്ന സമ്പൂര്ണ്ണ ലോക്ഡൗണ് ഒഴിവാക്കി. രോഗവ്യാപന പ്രതിരോധ പ്രവര്ത്തനങ്ങളുടെ ഭാഗമായി കണ്ടെയ്ന്മെന്റ് സോണുകളല്ലാത്ത പ്രദേശങ്ങളിലെ വ്യാപാര സ്ഥാപനങ്ങള്ക്ക് പ്രവര്ത്തന സമയത്തിന് ഏര്പ്പെടുത്തിയിരുന്ന നിയന്ത്രണങ്ങളും ഒഴിവാക്കി.
വ്യാപാര സ്ഥാപനങ്ങള്ക്ക് കോവിഡ് പ്രതിരോധ മാനദണ്ഡങ്ങള് പാലിച്ച് തുറന്ന് പ്രവര്ത്തിക്കാം. ജില്ലയിലെ ഹോട്ടലുകള്, റസ്റ്റോറന്റുകള്, ബേക്കറികള്, കൂള്ബാറുകള്, തട്ടുകടകള്, ടീ ഷോപ്പുകള് അടക്കമുളള ഭക്ഷണശാലകളില് കോവിഡ് പ്രോട്ടോകോള് പാലിച്ച് ഇരുന്ന് ഭക്ഷണം കഴിക്കാം. പാര്സല് വിതരണത്തിന് ഏര്പ്പെടുത്തിയിരുന്ന സമയ ക്രമീകരണവും ഒഴിവാക്കിയിട്ടുണ്ട്. കോവിഡ് പ്രതിരോധ മാനദണ്ഡങ്ങള് പാലിച്ച് സെപ്തംബര് 20 വരെ വിവാഹ ചടങ്ങുകളില് പരമാവധി 50 ആളുകള്ക്കും മരണാനന്തര ചടങ്ങുകളില് പരമാവധി 20 ആളുകള്ക്കും പങ്കെടുക്കാം.
