അനുബന്ധ വാര്ത്തകള്
- നിയന്ത്രണങ്ങളുടെ ലംഘനം നടത്തിയതിന് സംസ്ഥാനത്ത് ഇന്ന് അറസ്റ്റിലായത് 1,514 പേര്
- കൊവിഡ് മാനദണ്ഡ ലംഘനം: കൊല്ലത്ത് 31 സ്ഥാപനങ്ങള്ക്ക് പിഴയിട്ടു
- കുതിരയുടെ ജഡം സംസ്കരിക്കാന് ആയിരക്കണക്കിനു പേര്; ഗ്രാമം 14 ദിവസത്തേക്ക് അടച്ചുപൂട്ടി പോലീസ്
- തിരുവനന്തപുരത്ത് 385 പേര്ക്കെതിരെ കോവിഡ് പ്രോട്ടോക്കോള് നിയമപ്രകാരം കേസെടുത്തു
- നിയന്ത്രണങ്ങള് ലംഘിച്ചതിന് അറസ്റ്റിലാക്കപ്പെട്ടവരുടെയും പിടിച്ചെടുത്ത വാഹനങ്ങളുടെയും കണക്ക് ഇങ്ങനെ
50 പേര്ക്ക് മാത്രം പങ്കെടുക്കാന് അനുമതിയുള്ളിടത്ത് 1000 പേര്; കല്യാണമണ്ഡപത്തിനും വധു-വരന്റെ രക്ഷിതാക്കള്ക്കും 9.5ലക്ഷം രൂപ പിഴ
കൊവിഡ് നിയന്ത്രണം മൂലം 50 പേര്ക്ക് മാത്രം പങ്കെടുക്കാന് അനുമതിയുള്ള വിവാഹ പാര്ട്ടിയില് 1000 പേര് പങ്കെടുത്തു. ഇതേത്തുടര്ന്ന് അധികൃതര് കല്യാണമണ്ഡപത്തിനും വധു-വരന്റെ രക്ഷിതാക്കള്ക്കും 9.5ലക്ഷം രൂപ പിഴ വിധിച്ചു. ഛത്തീസ്ഗഢിലെ സുര്ഗുജ ജില്ലയിലാണ് സംഭവം. തിങ്കളാഴ്ചയായിരുന്നു സംഭവം നടന്നത്. കൊവിഡ് വ്യാപനം മൂലം ജില്ലയില് വിവാഹ പാര്ട്ടികള്ക്ക് പങ്കെടുക്കാവുന്ന പരമാവധി ആളുകളുടെ എണ്ണം 50 ആയിരുന്നു. എന്നാല് വധുവരന്മാരുടെ ബന്ധുക്കള് 1000 പേരെയാണ് പങ്കെടുപ്പിച്ചത്.
സംഭവത്തില് വിവാഹ മണ്ഡപം സീല് ചെയ്തിട്ടുണ്ട്. മണ്ഡപത്തിന്റെ ഉടമയ്ക്ക് 4.75 ലക്ഷം രൂപയാണ് പിഴ വിധിച്ചത്. വധുവരന്മാരുടെ രക്ഷിതാക്കള്ക്ക് 2.37 ലക്ഷം രൂപ വീതമാണ് പിഴ വിധിച്ചത്.
