അനുബന്ധ വാര്ത്തകള്
- Onam Releases: ഓഗസ്റ്റിൽ തിയേറ്ററിൽ ഓണത്തല്ല്; റിലീസിന് ഒരുങ്ങുന്നത് 4 സിനിമകൾ
- കാർത്തിയുടെ പീരിയഡ് ആക്ഷൻ ഡ്രാമയിൽ നായികയായി കല്യാണി, പ്രധാനറോളിൽ നിവിൻ പോളിയും, മാർഷലിന് തുടക്കം
- Lokah, Chapter One : Chandra: മലയാളത്തിനു ദുല്ഖര് വക പുതിയ യൂണിവേഴ്സ്; ഞെട്ടിച്ച് കല്യാണി പ്രിയദര്ശന്, ഒപ്പം നസ്ലനും
- നസ്ലെൻ നായകൻ, കല്യാണി പ്രിയദർശൻ നായിക; ദുൽഖറിന്റെ പുതിയ സിനിമയിൽ ആവേശമേറ്റി ചിത്രങ്ങൾ
- 'കല്യാണി പ്രിയദർശനും നടൻ ശ്രീറാം ചന്ദ്രനും വിവാഹിതരായി'! വീഡിയോ വൈറൽ
Lokah Chapter one: വിസ്മയിപ്പിക്കാൻ നസ്ലൻ - കല്യാണി കോംബോ: 'ലോക - ചാപ്റ്റർ വൺ: ചന്ദ്ര' ടീസർ തീയതി പുറത്ത്
ഡൊമിനിക് അരുൺ രചിച്ച് സംവിധാനം ചെയ്ത ഈ ചിത്രം വമ്പൻ ബജറ്റിലാണ് ഒരുങ്ങുന്നത്.
കല്യാണി പ്രിയദർശൻ, നസ്ലൻ എന്നിവർ കേന്ദ്ര കഥാപാത്രമാകുന്ന പുതിയ 'ലോക - ചാപ്റ്റർ വൺ: ചന്ദ്ര'യുടെ പുതിയ അപ്ഡേറ്റ് പുറത്ത്. ദുൽഖറിന്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമാണിത്. ചിത്രത്തിന്റെ ടീസർ ജൂലൈ 28 നു റിലീസ് ചെയ്യും. 'ലോക' ഒരു സൂപ്പർ ഹീറോ ചിത്രമായാണ് ഒരുക്കിയിരിക്കുന്നത്. ഡൊമിനിക് അരുൺ രചിച്ച് സംവിധാനം ചെയ്ത ഈ ചിത്രം വമ്പൻ ബജറ്റിലാണ് ഒരുങ്ങുന്നത്.
'ലോക' എന്ന് പേരുള്ള ഒരു സൂപ്പർ ഹീറോ സിനിമാറ്റിക് യൂണിവേഴ്സിലെ ആദ്യ ചിത്രമാണ് 'ചന്ദ്ര'. ഒരു സൂപ്പർഹീറോ കഥാപാത്രം ആയാണ് കല്യാണി ഈ ചിത്രത്തിൽ വേഷമിട്ടിരിക്കുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റർ നേരത്തെ പുറത്തു വന്നിരുന്നു. മലയാളി പ്രേക്ഷകർ ഇന്നോളം കാണാത്ത കഥാ പശ്ചാത്തലത്തിലാണ് ചിത്രം ഒരുക്കിയിരിക്കുന്നത് എന്ന സൂചനയാണ് ഫസ്റ്റ് ലുക്ക് പോസ്റ്റർ തന്നത്.
ചന്ദു സലിം കുമാർ, അരുൺ കുര്യൻ, ശാന്തി ബാലചന്ദ്രൻ എന്നിവരും നിർണ്ണായക വേഷങ്ങൾ ചെയ്യുന്ന ചിത്രം വമ്പൻ പ്രതീക്ഷകളോടെയാണ് പ്രേക്ഷകർ കാത്തിരിക്കുന്നത്. ഒന്നിലധികം ഭാഗങ്ങളിൽ ഒരുങ്ങുന്ന ഒരു സിനിമാറ്റിക്ക് യൂണിവേഴ്സിൻ്റെ ആദ്യ ഭാഗമാണ് ഇത്. ദുൽഖർ നിർമിക്കുന്ന സിനിമയ്ക്കായുള്ള കാത്തിരിപ്പിലാണ് ആരാധകർ.
