അനുബന്ധ വാര്ത്തകള്
- 'ഹോം' റിലീസിന് ഇനി മണിക്കൂറുകള് മാത്രം,3.5 മില്യണ് കാഴ്ചക്കാരുമായി ട്രെയിലര് ശ്രദ്ധ നേടുന്നു
- ഫേസ്ബുക്കും വാട്സ് ആപ്പും ഒരു കൊല്ലത്തെ സിലബസ്, ഹോം ട്രെയിലര് ശ്രദ്ധ നേടുന്നു
- ഇന്ദ്രന്സ്-ശ്രീനാഥ് ഭാസി ടീമിന്റെ ഹോമിലെ ആദ്യഗാനം ഇന്നെത്തും
- ഒ.ടി.ടി റിലീസ് പ്രഖ്യാപിച്ച് 'ഹോം', ഓണച്ചിത്രമായി ആമസോണ് പ്രൈമിലൂടെ പ്രേക്ഷകരിലേക്ക്
- 'തീ' ആകാന് ഇന്ദ്രന്സ്, പുത്തന് ഗെറ്റപ്പില് നടന്, പോസ്റ്റര്
'എന്തൊരു നടനാ'...; ഹോമിലെ ഇന്ദ്രന്സിന്റെ പ്രകടനത്തിന് കൈയ്യടിച്ച് നടി ദിവ്യ പ്രഭ
ഓണച്ചിത്രമായി ആമസോണ് പ്രൈമിലൂടെ പ്രേക്ഷകരിലേക്ക് എത്തിയ 'ഹോം'ന് മികച്ച പ്രതികരണമാണ് എങ്ങുനിന്നും ലഭിക്കുന്നത്. പ്രത്യേകിച്ച് ഇന്ദ്രന്സിന്റെ പ്രകടനത്തിന് കൈയ്യടിച്ചിരിക്കുകയാണ് സിനിമ ലോകം. ഇപ്പോഴിതാ അദ്ദേഹത്തിലെ നടനെ പ്രശംസിച്ചുകൊണ്ട് രംഗത്തെത്തിയിരിക്കുകയാണ് നടി ദിവ്യ പ്രഭ. മാലിക്, നിഴല്, തമാശ തുടങ്ങിയ ചിത്രങ്ങളിലൂടെ ശ്രദ്ധ നേടിയ താരമാണ് ദിവ്യ. എന്തൊരു നടനാ, എന്ന് പറഞ്ഞുകൊണ്ട് ഹോം എന്ന ചിത്രത്തില് ഇന്ദ്രന്സ് അവതരിപ്പിച്ച ഒലിവര് ട്വിസ്റ്റിനോടുളള സ്നേഹം നടി പ്രകടിപ്പിച്ചു.
മാലയാള സിനിമയില് 40 വര്ഷങ്ങള് പൂര്ത്തിയാക്കുന്ന നടന്റെ 341-ാമത്തെ ചിത്രംകൂടിയാണിത്. ശ്രീനാഥ് ഭാസിയുടെ അച്ഛനായാണ് ഇന്ദ്രന്സ് വേഷമിടുന്നത്. മണിയന് പിള്ള രാജു, വിജയ് ബാബു, ജോണി ആന്റണി, ശ്രീകാന്ത് മുരളി, എന്നിവരാണ് മറ്റു അഭിനേതാക്കള്. ഫിലിപ്സ് ആന്റ് ദ മങ്കിപെന്' എന്ന ചിത്രത്തിന്റെ സംവിധായകരിലൊരാളായ റോജിന് തോമസാണ് ഈ സിനിമയ്ക്ക് തിരക്കഥയൊരുക്കി സംവിധാനം ചെയ്തത്.
