അനുബന്ധ വാര്ത്തകള്
- ഹാസ്യത്തിന്റെ ഗോഡ് ഫാദര് വിടപറഞ്ഞു, ഹാസ്യ സിനിമകള്ക്ക് പുതിയ ഭാവുകത്വം പകര്ന്ന സംവിധായകന്
- ജയിലര് റിലീസ് മാറ്റിയോ?
- താങ്കളുടെ മിത്ത് എന്റെ സത്യം... വീട്ടിലെ ഗണപതി ചിത്രങ്ങളുമായി സുരേഷ് ഗോപി
- ആ ചിത്രവുമായി മീനാക്ഷിക്ക് ഒരു ബന്ധവുമില്ല; പ്രചരിക്കുന്ന ആര്ട്ടിഫിഷല് ഇന്റലിജന്സ് ഫോട്ടോ !
- കലാപക്കാരാ... തമിഴില് പാടിയത് മലയാളി!
ചിരിപ്പിച്ച് ചിരിപ്പിച്ച് സിദ്ദിഖ് മടങ്ങി...!
പ്രശസ്ത സംവിധായകന് ഫാസിലിന്റെ അസിസ്റ്റന്റ് ആയാണ് സിദ്ദിഖ് സിനിമാ രംഗത്ത് എത്തിയത്
പ്രശസ്ത സംവിധായകന് സിദ്ദിഖ് അന്തരിച്ചു. ഹൃദയാഘാതത്തെ തുടര്ന്ന് കൊച്ചിയിലെ അമൃത ആശുപത്രിയില് ചികിത്സയിലിരിക്കെയാണ് അന്ത്യം. ന്യുമോണിയ, നോണ് ആല്ക്കഹോളിക്ക് ഫാറ്റി ലിവര് എന്നീ അസുഖങ്ങളെ തുടര്ന്ന് ചികിത്സയില് കഴിയുന്നതിനിടെയാണ് സിദ്ദിഖിന് ഹൃദയാഘാതമുണ്ടായത്. ഇന്ന് രാത്രി 9.15 ഓടെയാണ് മരണം സ്ഥിരീകരിച്ചത്. നാളെ രാവിലെ ഒന്പത് മുതല് 12 മണി വരെ കടവന്ത്ര ഇന്ഡോര് സ്റ്റേഡിയത്തില് മൃതദേഹം പൊതുദര്ശനത്തിനു വയ്ക്കും. വൈകുന്നേരം ആറു മണിയോടെ എറണാകുളം സെന്ട്രല് ജുമാ മസ്ജിദില് ഖബറടക്കും.
പ്രശസ്ത സംവിധായകന് ഫാസിലിന്റെ അസിസ്റ്റന്റ് ആയാണ് സിദ്ദിഖ് സിനിമാ രംഗത്ത് എത്തിയത്. കൊച്ചിന് കലാഭവനില് അംഗമായിരുന്നു സിദ്ദിഖ്. അങ്ങനെയാണ് സിദ്ദിഖിനെ ഫാസില് പരിചയപ്പെടുന്നത്. അടുത്ത സുഹൃത്തായ ലാലിനൊപ്പം ചേര്ന്ന് സിദ്ദിഖ് സ്വതന്ത്ര സംവിധായകനായി. സിദ്ദിഖ് ലാല് കൂട്ടുകെട്ട് മലയാള സിനിമയില് ഏറെ ശ്രദ്ധിക്കപ്പെട്ടു. 1989 ല് പുറത്തിറങ്ങിയ റാംജി റാവു സ്പീക്കിങ് ആണ് സിദ്ദിഖ് ലാല് കൂട്ടുകെട്ടിലെ ആദ്യ ചിത്രം. റാംജി റാവു സ്പീക്കിങ് സൂപ്പര്ഹിറ്റായി.
ഇന് ഹരിഹര് നഗര്, ഗോഡ്ഫാദര്, വിയറ്റ്നാം കോളനി, കാബൂളിവാല എന്നിവയാണ് സിദ്ദിഖ് ലാല് കൂട്ടുകെട്ടില് പിറന്ന മറ്റ് ചിത്രങ്ങള്. മാന്നാര് മത്തായി സ്പീക്കിങ്ങിന്റെ തിരക്കഥയും സിദ്ദിഖിന്റേതാണ്. ഹിറ്റ്ലര്, ഫ്രണ്ട്സ്, ക്രോണിക് ബാച്ച്ലര്, ബോഡി ഗാര്ഡ്, കാവലന്, ലേഡീസ് ആന്റ് ജെന്റില്മാന്, ഭാസ്കര് ദ് റാസ്കല്, ഫുക്രി, ബിഗ് ബ്രദര് എന്നിവയെല്ലാം സിദ്ദിഖ് സ്വതന്ത്ര സംവിധായകനായി ചെയ്ത സിനിമകളാണ്.
