അനുബന്ധ വാര്ത്തകള്
- ഹോളിവുഡ് സിനിമകളല്ല, ഭൂതകാലത്തിന് പ്രചോദനമായത് ഒരു മമ്മൂട്ടി ചിത്രം!
- നിമിഷയുടെ പ്രകടനം കണ്ട് അന്തവിട്ടു, ഞാൻ ഫാൻ ഗേളായി മാറി: ആലിയ ഭട്ട്
- തെരെഞ്ഞെടുപ്പിന് മുൻപ് 2 കോടി അംഗങ്ങൾ, സ്ത്രീകൾക്കും കന്നിവോട്ടർമാർക്കും മുൻതൂക്കം നൽകാൻ നിർദേശം നൽകി വിജയ്
- മുടക്കുമുതലിന്റെ കാല് ഭാഗം പോലും നേടാനാവാതെ ബോക്സോഫീസില് നിന്നും പെട്ടെന്ന് യാത്ര പറഞ്ഞ് മമ്മൂട്ടി ചിത്രം
- 'നേരി'ന് ശേഷം മോഹന്ലാലും ജീത്തു ജോസഫും ഒന്നിക്കുന്നു ! സത്യാവസ്ഥ ഇതാണ്
Aadujeevitham Film: ആടുജീവിതം റിലീസ് മാറ്റി ! പറഞ്ഞതിലും നേരത്തെ എത്തും
മലയാളത്തില് ഏറ്റവും കൂടുതല് വിറ്റഴിക്കപ്പെട്ട ബെന്യാമിന്റെ ആടുജീവിതം എന്ന നോവലിനെ അടിസ്ഥാനമാക്കിയാണ് ഈ ചിത്രം ബ്ലെസി സംവിധാനം ചെയ്യുന്നത്
Aadujeevitham Film: പൃഥ്വിരാജിനെ നായകനാക്കി ബ്ലെസി സംവിധാനം ചെയ്യുന്ന 'ആടുജീവിതം' മാര്ച്ച് 28 നു വേള്ഡ് വൈഡായി റിലീസ് ചെയ്യും. നേരത്തെ ഏപ്രില് 10 നാണ് റിലീസ് പ്രഖ്യാപിച്ചിരുന്നത്. എന്നാല് റിലീസ് 13 ദിവസം മുന്പ് ആക്കിയിരിക്കുകയാണ് അണിയറ പ്രവര്ത്തകര്. ഏപ്രില് ആദ്യവാരം മുതല് കൂടുതല് മലയാള സിനിമകള് തിയറ്ററുകളിലെത്തുന്നുണ്ട്. മാര്ച്ച് അവസാനത്തോടെ റിലീസ് ചെയ്താല് രണ്ട് ആഴ്ചയോളം ആടുജീവിതത്തിനു ഫ്രീ റണ് ലഭിക്കും. ഇതു കൂടി പരിഗണിച്ചാണ് റിലീസ് നേരത്തെ ആക്കിയത്.
മലയാളത്തില് ഏറ്റവും കൂടുതല് വിറ്റഴിക്കപ്പെട്ട ബെന്യാമിന്റെ ആടുജീവിതം എന്ന നോവലിനെ അടിസ്ഥാനമാക്കിയാണ് ഈ ചിത്രം ബ്ലെസി സംവിധാനം ചെയ്യുന്നത്. നജീബ് എന്ന നായക കഥാപാത്രമായാണ് പൃഥ്വിരാജ് അഭിനയിച്ചിരിക്കുന്നത്. ചിത്രത്തിലെ പൃഥ്വിവിന്റെ വിവിധ ലുക്കുകള് ഇതിനോടകം തന്നെ സോഷ്യല് മീഡിയയില് ശ്രദ്ധിക്കപ്പെട്ടിട്ടുണ്ട്. ശാരീരികമായി ഒട്ടേറെ കഷ്ടപ്പാടുകള് സഹിച്ചാണ് പൃഥ്വിരാജ് നജീബ് എന്ന കഥാപാത്രമായി മാറിയിരിക്കുന്നത്.
ഓസ്കര് ജേതാക്കളായ എ.ആര്.റഹ്മാന് സംഗീതവും റസൂല് പൂക്കുട്ടി സൗണ്ട് ഡിസൈനിങ്ങും നടത്തിയിരിക്കുന്നു. മലയാളത്തിനു പുറമേ ഹിന്ദി, തമിഴ്, തെലുങ്ക് കന്നഡ ഭാഷകളിലും ചിത്രം റിലീസ് ചെയ്യും. 2018 ലാണ് ആടുജീവിതത്തിന്റെ ചിത്രീകരണം ആരംഭിച്ചത്. ജോര്ദാനിലായിരുന്നു ചിത്രത്തിന്റെ മുഖ്യ പങ്കും ഷൂട്ട് ചെയ്തത്. ചിത്രത്തില് പൃഥ്വിരാജിന്റെ നായികയായി എത്തുന്നത് അമല പോളാണ്.
