ധനുഷിന്റെ ആരാധകര്‍ ആകാംക്ഷയോടെ കാത്തിരിക്കുന്ന ചിത്രമാണ് ജഗമേ തന്തിരം. നെറ്റ്ഫ്‌ലിക്‌സിലൂടെ ജൂണ്‍ 18 ന് ചിത്രം പ്രേക്ഷകരിലേക്ക് എത്തും. സിനിമയിലെ മൂന്നാമത്തെ ഗാനം പുറത്തുവന്നു.'നേതു' എന്ന് തുടങ്ങുന്ന പാട്ടിന് വരികള്‍ ഒരുക്കിയതും പാടിയതും ധനുഷ് തന്നെയാണ്. സന്തോഷ് നാരായണിന്റെതാണ് സംഗീതം. പുറത്തുവന്ന നിമിഷനേരം കൊണ്ട് തന്നെ യൂട്യൂബില്‍ തരംഗമാകുകയാണ് ഈ ഗാനവും.

ധനുഷ്-ഐശ്വര്യ ലക്ഷ്മി തമ്മിലുള്ള പ്രണയ രംഗങ്ങളാണ് വീഡിയോ സോങ്ങില്‍ കാണാനാകുക.ഇതൊരു ആക്ഷന്‍ പായ്ക്ക്ഡ് ഗ്യാങ്സ്റ്റര്‍ ചിത്രമാണ്.സുരുളി, പ്രഭു എന്നീ കഥാപാത്രങ്ങളായി ഡബിള്‍ റോളിലാണ് ധനുഷ് എത്തുന്നത് എന്നാണ് വിവരം. സഞ്ചന നടരാജനാണ് മറ്റൊരു നായിക. ജോജു ജോര്‍ജും ശക്തമായ കഥാപാത്രത്തെ അവതരിപ്പിക്കുന്നുണ്ട്.

റിലയന്‍സ് എന്റര്‍ടെയിന്‍മെന്റും വൈ നോട്ട് സ്റ്റുഡിയോസും ചേര്‍ന്നാണ് ചിത്രം നിര്‍മ്മിക്കുന്നത്.