'മീടൂ' സിനിമാ മേഖലയിൽ കൊടുങ്കാറ്റുപോലെ ആഞ്ഞടിക്കുകയാണ്. നടിമാർക്ക് പുറമേ നടന്മാരും തങ്ങൾക്ക് നേരിടേണ്ടിവന്ന ലൈംഗികാതിക്രമങ്ങൾ തുറന്നുപറഞ്ഞ് രംഗത്തുവരികയാണ്. എന്നാൽ മലയാള സിനിമയ്‌ക്ക് മീടൂ കൊണ്ട് യാതൊരു കുഴപ്പവും ഉണ്ടാകില്ലെന്നാണ് നടൻ മോഹൻലാൽ പറയുന്നത്.

മീ ടു ക്യാമ്പെയിൻ ഒരു പ്രസ്ഥാനമല്ലെന്നും ചിലർ അത് ഒരു ഫാഷനായാണ് കാണുന്നതെന്നും അദ്ദേഹം പറയുന്നു. അബുദബിയിൽ സിസംബർ ഏഴിന് നടക്കുന്ന പ്രളയ ദുരിതാശ്വാസ ഫണ്ടിലേയ്ക്ക് പണം കണ്ടെത്താനുള്ള 'ഒന്നാണ് നമ്മൾ' ഷോയെക്കുറിച്ച് വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം.

അതേസമയം നടൻ ദിലീപ് ഷോയുടെ ഭാഗമായിരിക്കില്ലെന്നും അദ്ദേഹം വ്യക്തമാക്കി.