സ്വർണവില വീണ്ടും 1,20,000ത്തിന് മുകളിലെത്തി, 20 ദിവസത്തിനിടെ ഉയർന്നത് 15,000 രൂപ!
കഴിഞ്ഞ 20 ദിവസത്തിനിടെ പവന് വിലയില് 15,000 രൂപയുടെ വര്ധനവാണുണ്ടായത്.
സംസ്ഥാനത്ത് ഒരിടവേളയ്ക്ക് ശേഷം സ്വര്ണവില വീണ്ടും 1,20,000തിന് മുകളില്. പവന് ഒറ്റയടിക്ക് 640 രൂപ വര്ധിച്ചതോടെയാണ് സ്വര്ണവില വീണ്ടും 1,20,000തിന് മുകളിലെത്തിയത്. ഇന്ന് ഒരു പവന് സ്വര്ണത്തിന്റെ വില 1,20,240 രൂപയാണ്. ഗ്രാമിന് 80 രൂപ ഉയര്ന്ന് 15,030 രൂപയിലാണ് വില്പന നടക്കുന്നത്. കഴിഞ്ഞ 20 ദിവസത്തിനിടെ പവന് വിലയില് 15,000 രൂപയുടെ വര്ധനവാണുണ്ടായത്.
രാജ്യാന്തര വിപണിയിലെ മാറ്റങ്ങളാണ് സ്വര്ണവിലയുടെ കുതിപ്പിന് കാരണമായിരിക്കുന്നത്. ഡോളര് ദുര്ബലമായതും അമേരിക്കന് ബോണ്ട് ആദായത്തിലുണ്ടായ കുറവുമെല്ലാം സ്വര്ണത്തിന് കരുത്തേകി. യുഎസ് ഫെഡറല് റിസര്വിന്റെ പണപ്പെരുപ്പ ആശങ്കകളും വിപണിയെ സ്വാധീനിക്കുന്നുണ്ട്.
