കര്‍ണാടകയിലെ വാഹനാപകടത്തില്‍ മൂന്നു മലയാളികള്‍ ഉള്‍പ്പെടെ നാലു വിദ്യാര്‍ത്ഥികള്‍ക്ക് ദാരുണാന്ത്യം. ഉത്തരകണ്ണട ജില്ലയിലെ അങ്കോളയിലാണ് അപകടം ഉണ്ടായത്. ആര്‍ടിസി ബസുമായി കാര്‍ കൂട്ടിയിടിച്ചാണ് അപകടം ഉണ്ടായത്. തിരൂര്‍ സ്വദേശി 28 കാരനായ നിപുണ്‍ , തൃശ്ശൂര്‍ സ്വദേശിയായ 24 കാരന്‍ ആല്‍ബര്‍ട്ട്, കന്യാകുമാരി സ്വദേശിയായ ആനന്ദ് ശേഖര്‍, തിരുപ്പതി സ്വദേശി അരുണ്‍ പാണ്ഡ്യന്‍ എന്നിവരാണ് മരിച്ചത്. അതേസമയം കാര്‍ ഓടിച്ചിരുന്ന മലപ്പുറം സ്വദേശി മുഹമ്മദ് ലതീബിനെ ഗുരുതര പരുക്കുകളോടെ ആശുപത്രിയില്‍ പ്രവേശിപ്പിച്ചിട്ടുണ്ട്.