അനുബന്ധ വാര്ത്തകള്
- പഠിക്കാത്തതിൽ മാതാപിതാക്കൾ വഴക്ക് പറഞ്ഞു, 13 വയസ്സുകാരി ആറ്റിൽ ചാടി ജീവനൊടുക്കി
- തൃശൂരില് നവജാത ശിശുവിന്റെ മൃതദേഹം കനാലില് കണ്ടെത്തി
- ന്യൂയർ പാർട്ടിക്കായി ഹാഷിഷ് ഓയിലുമായി കൊച്ചിയിലെത്തിയ നിയമവിദ്യാർത്ഥി പിടിയിൽ
- പ്രതീക്ഷിച്ച സ്വീകാര്യത ലഭിച്ചില്ല: പെണ്കുട്ടികളുടെ വിവാഹപ്രായം ഉയര്ത്തുന്ന ബില് നീട്ടിവയ്ക്കാന് കേന്ദ്രത്തിന്റെ ആലോചന
- രാജ്യത്തെ കൊവിഡ് മരണം 4.78 ലക്ഷം കടന്നു
കേരളത്തിന്റെ സമാധാനം തകര്ക്കാന് വര്ഗീയ ശക്തികള് നടത്തുന്ന കൊലപാതകരാഷ്ട്രീയം അവസാനിപ്പിക്കണമെന്ന് സിപിഎം
സമാധാന കേരളത്തെ ഇല്ലാതാക്കാന് രണ്ട് വിഭാഗം വര്ഗ്ഗീയശക്തികള് നടത്തുന്ന നിഷ്ഠൂരമായ പരസ്പര കൊലപാതക രാഷ്ട്ീയം അടിയന്തിരമായി അവസാനിപ്പിക്കണമെന്ന് സി.പി.ഐ (എം) സംസ്ഥാന സെക്രട്ടറിയേറ്റ് ആവശ്യപ്പെട്ടു. കേരളത്തെ ചോരക്കളമാക്കാന് വിരുദ്ധ വര്ഗ്ഗീയ ശക്തികളുടെ തീക്കളിക്കെതിരെ എല്ലാ മതനിരപേക്ഷ വിശ്വാസികളും കുടുംബങ്ങളും ഉണര്വോടെയും ജാഗ്രതയോടെയും രംഗത്തു വരണം. എല്.ഡി.എഫ് ഭരണത്തില് കേരളം രാജ്യത്തെ ഏറ്റവും മികച്ച ക്രമസമാധാനമുള്ള സംസ്ഥാനമാണ്. അതില്ലാതാക്കാനുള്ള ബോധപൂര്വ്വമായ യജ്ഞത്തിലാണ് വര്ഗ്ഗീയ ശക്തികളെന്ന് സിപിഎം സംസ്ഥാന സെക്രട്ടറിയേറ്റ് പുറപ്പെടുവിച്ച പ്രസ്താവനയില് പറയുന്നു.
മതവര്ഗ്ഗീയത പരത്തി ജനങ്ങളില് സ്പര്ദ്ധയും അകല്ച്ചയും ഉണ്ടാക്കി നാട്ടില് വര്ഗ്ഗീയ ലഹളയുണ്ടാക്കാനാണ് ലക്ഷ്യമിടുന്നത്. ഇതിനു വേണ്ടി സമൂഹ മാധ്യമങ്ങളെയടക്കം ദുരുപയോഗപ്പെടുത്തുന്നുണ്ട്. ആലപ്പുഴ ജില്ലയില് മണിക്കൂറുകളുടെ വ്യത്യാസത്തില് രണ്ട് വര്ഗ്ഗീയ ശക്തികള് മത്സരിച്ച് നടത്തിയ കൊലപാതകങ്ങള് മനുഷ്യത്വത്തേയും സമാധാന ജീവിതത്തേയും വെല്ലുവിളിക്കുന്നതാണെന്നും പ്രസ്താവനയില് പറയുന്നു.
