അനുബന്ധ വാര്ത്തകള്
- നടന് സോനു സൂദ് 20 കോടിയുടെ നികുതി വെട്ടിച്ചെന്ന് ആദായ നികുതി വകുപ്പ്
- തെലങ്കാനയില് എട്ടുവയസുകാരനെ ക്രൂരമായി പീഡിപ്പിച്ച 27കാരിക്ക് 20വര്ഷത്തെ കഠിന തടവ്
- കേന്ദ്രമന്ത്രി നിതിന് ഗഡ്കരിക്ക് മാസംതോറും യുട്യൂബില് നിന്ന് ലഭിക്കുന്നത് നാലുലക്ഷം രൂപ!
- രാജ്യത്ത് ഈമാസം 27ന് ഭാരത് ബന്ദ്!
- പ്രധാനമന്ത്രി സ്ഥാനാര്ഥിയാകാന് മമത; രാഹുലിന് കുത്ത്, ഭിന്നിച്ച് പ്രതിപക്ഷനിര
പഞ്ചാബ് മുഖ്യമന്ത്രി അമരീന്ദര് സിങ് രാജിവച്ചു
പഞ്ചാബ് മുഖ്യമന്ത്രി സ്ഥാനത്തുനിന്ന് ക്യാപ്റ്റന് അമരീന്ദര് സിങ് രാജിവച്ചു. ഭാര്യ പ്രിണീത് കൗറിനൊപ്പം രാജ്ഭവനിലെത്തി ഗവര്ണര്ക്ക് രാജിക്കത്ത് കൈമാറി. പഞ്ചാബിലെ കോണ്ഗ്രസ് പാര്ട്ടിക്കുള്ളിലെ ആഭ്യന്തര പ്രശ്നങ്ങളാണ് രാജിയിലേക്ക് നയിച്ചത്. കോണ്ഗ്രസ് അധ്യക്ഷ സോണിയാ ഗാന്ധിയുമായി അമരീന്ദര് നേരത്തെ ടെലിഫോണില് സംസാരിച്ചിരുന്നു. മൂന്നാം തവണയാണ് താന് പാര്ട്ടിയില് അപമാനിക്കപ്പെടുന്നതെന്നും ഇനിയും അപമാനം സഹിച്ച് തുടരാനാകില്ലെന്നും അമരീന്ദര് സോണിയയെ അറിയിച്ചതായാണ് റിപ്പോര്ട്ട്.
അമരീന്ദറിനെ മുഖ്യമന്ത്രി സ്ഥാനത്തുനിന്ന് മാറ്റണമെന്നാവശ്യപ്പെട്ട് 40 എംഎല്എമാര് കഴിഞ്ഞ ദിവസം ഹൈക്കമാന്ഡിനെ സമീപിച്ചിരുന്നു. ഇതില് നാല് മന്ത്രിമാരും ഉള്പ്പെടുന്നു.
പഞ്ചാബ് പിസിസി അധ്യക്ഷനായി നവ്ജ്യോത് സിങ് സിദ്ദു വന്നതോടെയാണ് അമരീന്ദറിനെതിരെ ആഭ്യന്തര കലഹം രൂക്ഷമായത്. 117 അംഗ നിയമസഭയില് 80 അംഗങ്ങളാണ് കോണ്ഗ്രസിനുള്ളത്. ഇതില് 78 പേരുടെ പിന്തുണ സിദ്ദുവിനുണ്ടെന്ന് നേരത്തെതന്നെ സിദ്ദു അനുകൂലികള് അവകാശപ്പെട്ടിരുന്നു.
