അനുബന്ധ വാര്ത്തകള്
- പൊള്ളുന്ന വെയിലിലും ചിക്കന് പൊള്ളുന്ന വില !, റംസാൻ അടുക്കുന്നതോടെ ഇനിയും ഉയർന്നേക്കും
- പാലക്കാട് പൊള്ളുന്നു ! ചൂട് 41 ഡിഗ്രിയിലേക്ക്
- വ്യാഴാഴ്ച വരെ സംസ്ഥാനത്ത് ശക്തമായ ചൂടുണ്ടാകും; 12ജില്ലകളില് യെല്ലോ അലര്ട്ട് പ്രഖ്യാപിച്ചു
- അറുപത്തഞ്ചുകാരനെ ക്ഷേത്രക്കുളത്തിൽ മരിച്ച നിലയിൽ കണ്ടെത്തി
- വീട്ടമ്മ പൊള്ളലേറ്റു മരിച്ച സംഭവത്തിൽ ഭർത്താവ് കസ്റ്റഡിയിൽ
പാലക്കാടും കൊല്ലത്തും ചൂട് ശക്തം; പുതുക്കിയ താപനില മുന്നറിയിപ്പ്
വേനല് മഴ കുറഞ്ഞതിനാല് ശുദ്ധജലത്തിന്റെ ഉപയോഗം അതീവ ശ്രദ്ധയോടെ വേണം
ഏപ്രില് 12 വരെ പാലക്കാട് ജില്ലയില് ഉയര്ന്ന താപനില 41°C വരെയും കൊല്ലം ജില്ലയില് ഉയര്ന്ന താപനില 39°C വരെയും തൃശൂര്, കോഴിക്കോട്, പത്തനംതിട്ട, കോട്ടയം ജില്ലകളില് ഉയര്ന്ന താപനില 38°C വരെയും കണ്ണൂര്, എറണാകുളം, ആലപ്പുഴ ജില്ലകളില് 37°C വരെയും തിരുവനന്തപുരം, മലപ്പുറം, കാസര്ഗോഡ് ജില്ലകളില് ഉയര്ന്ന താപനില 36°C വരെയും (സാധാരണയെക്കാള് 2 - 4 °C കൂടുതല്) ഉയരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില് മലയോര മേഖലകളിലൊഴികെ ഏപ്രില് 12 വരെ ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്.
വേനല് മഴ കുറഞ്ഞതിനാല് ശുദ്ധജലത്തിന്റെ ഉപയോഗം അതീവ ശ്രദ്ധയോടെ വേണം. വെള്ളം പാഴാക്കാതിരിക്കാന് ശ്രദ്ധിക്കുക. രാവിലെ 11 മുതല് ഉച്ചയ്ക്കു മൂന്ന് വരെയുള്ള സമയങ്ങളില് നേരിട്ട് സൂര്യപ്രകാശം ഏല്ക്കരുത്.
