അനുബന്ധ വാര്ത്തകള്
- തൃശൂരിൽ സുരേഷ് ഗോപി തന്നെ വേണം, പ്രധാനമന്ത്രിയുടെ തൃശൂർ സന്ദർശനത്തിന് മുൻപെ ചുവരെഴുത്തുകളുമായി ബിജെപി പ്രവർത്തകർ
- ശബരിമലയില് മകരവിളക്കിനോടനുബന്ധിച്ച് സ്പോട്ട് ബുക്കിങ്ങിന് നിയന്ത്രണം; ജനുവരി 10 മുതല് സ്പോട്ട് ബുക്കിങ് ഉണ്ടായിരിക്കില്ല
- സുഹൃത്തുക്കള്ക്കൊപ്പം ഫോട്ടോഷൂട്ടിന് പോകാന് അനുവദിക്കാത്തതിനെ തുടര്ന്ന് വിദ്യാര്ത്ഥിനി ജീവനൊടുക്കി
- കൊവിഡിന്റെ പുതിയ വകഭേദമായ ജെഎന്.1 ബാധിതരുടെ എണ്ണം 197 ആയി
- രാജ്യത്ത് പുതിയതായി കൊവിഡ് സ്ഥിരീകരിച്ചത് 573 പേര്ക്ക്; രണ്ടുമരണം
25 തദ്ദേശ വാര്ഡുകളിലെ ഉപതിരഞ്ഞെടുപ്പിന് വോട്ടര്പട്ടിക പുതുക്കുന്നു
തിരുവനന്തപുരം കോര്പ്പറേഷനിലെ വെള്ളാര് വാര്ഡ് ഉള്പ്പെടെ സംസ്ഥാനത്തെ 25 തദ്ദേശ സ്വയംഭരണ വാര്ഡുകളിലെ വോട്ടര് പട്ടിക സംസ്ഥാന തിരഞ്ഞെടുപ്പ് കമ്മീഷന് പുതുക്കുന്നു. കരട് പട്ടിക ജനുവരി ഒന്നിനും അന്തിമ പട്ടിക ജനുവരി 25 നും പ്രസിദ്ധീകരിക്കുമെന്ന് സംസ്ഥാന തിരഞ്ഞെടുപ്പ് കമ്മീഷണര് എ. ഷാജഹാന് അറിയിച്ചു. തിരഞ്ഞെടുക്കപ്പെട്ട അംഗങ്ങളുടെ മരണമോ രാജിയോ അയോഗ്യതയോ മൂലമുണ്ടായ ആകസ്മിക ഒഴിവുകളിലേക്ക് ഉപതിരഞ്ഞെടുപ്പ് നടത്തുന്നതിനാണ് പട്ടിക പുതുക്കുന്നത്.
കരട് പട്ടികയില് പേര് ഉള്പ്പെടാത്തവര്ക്ക് ജനുവരി ഒന്നു മുതല് 16 വരെ അപേക്ഷിക്കാം. 2024 ജനുവരി ഒന്നിനോ അതിന് മുന്പോ 18 വയസ്സ് പൂര്ത്തിയായവര്ക്കാണ് പേര് ചേര്ക്കാന് അര്ഹതയുള്ളത്. ഇതിനായി http://www.sec.kerala.gov.in സൈറ്റില് ഓണ്ലൈന് അപേക്ഷ നല്കണം. പട്ടികയിലെ ഉള്ക്കുറിപ്പുകളില് ഭേദഗതി വരുത്തുന്നതിനും സ്ഥാനമാറ്റം വരുത്തുന്നതിനുമുള്ള അപേക്ഷകളും ഓണ്ലൈനായി നല്കാം. പേര് ഒഴിവാക്കാന് ഓണ്ലൈനില് രജിസ്റ്റര് ചെയ്ത ആക്ഷേപങ്ങളുടെ പ്രിന്റൗട്ട് നേരിട്ടോ തപാലിലൂടെയോ ഇലക്ടറല് രജിസ്ട്രേഷന് ഓഫീസര്ക്ക് നല്കണം.
