അനുബന്ധ വാര്ത്തകള്
- കോഴിക്കോട് സ്വകാര്യ ബസുകളുടെ മിന്നല് പണിമുടക്ക്
- തമിഴ്നാട്ടില് നിന്നുള്ള 37 മത്സ്യത്തൊഴിലാളികളെ ശ്രീലങ്കന് നാവികസേന അറസ്റ്റ് ചെയ്തു
- ഹെവി വാഹനങ്ങള്ക്ക് നവംബര് 1 മുതല് ഫിറ്റ്നെസ് സര്ട്ടിഫിക്കറ്റിന് സീറ്റ് ബെല്റ്റും ക്യാമറയും നിര്ബന്ധം
- കളമശ്ശേരി സ്ഫോടനത്തില് ചികിത്സയിലായിരുന്നു 12കാരിയും മരിച്ചു; മരണസംഖ്യ മൂന്നായി
- ആന്ധ്രയില് ട്രെയിനുകള് കൂട്ടിയിടിച്ചുണ്ടായ അപകടത്തില് മരണസംഖ്യ എട്ടായി
ഡീസല് ഓട്ടോറിക്ഷകളുടെ കാലപരിധി 22 വര്ഷമായി ഉയര്ത്തി
ഡീസല് ഓട്ടോറിക്ഷകള് മറ്റ് ഹരിത ഇന്ധനങ്ങളിലേയ്ക്ക് മാറാനുള്ള കാലപരിധി 22 വര്ഷമായി ദീര്ഘിപ്പിച്ച് നല്കാന് ഗതാഗത മന്ത്രി ആന്റണി രാജു ഉത്തരവ് നല്കി. നിലവിലെ സ്ഥിതിയില് 15 വര്ഷം പൂര്ത്തിയായ ഓട്ടോറിക്ഷകള് മറ്റ് ഹരിത ഇന്ധനങ്ങളിലേയ്ക്ക് മാറേണ്ടതുണ്ട്.
ഡീസല് ഓട്ടോറിക്ഷകള് ഹരിത ഇന്ധനത്തിലേയ്ക്ക് മാറുന്നതിനുള്ള പശ്ചാത്തല സൗകര്യം ഒരുക്കുന്നതിന് കാലതാമസം നേരിടുന്നത് കണക്കിലെടുത്തും, കോവിഡ് മഹാമാരികാലത്ത് രണ്ട് വര്ഷക്കാലം ഓട്ടോറിക്ഷകള് നിരത്തിലിറക്കാന് കഴിയാതിരുന്ന സാഹചര്യം പരിഗണിച്ചും ഇതര ഡീസല് വാഹനങ്ങള്ക്ക് ഇത്തരം നിയന്ത്രണമില്ല എന്നതിനാലുമാണ് വര്ഷം തോറും ഫിറ്റ്നസ് സര്ട്ടിഫിക്കറ്റ് നേടുന്ന ഡീസല് ഓട്ടോറിക്ഷകളുടെ കാലാവധി 15 വര്ഷത്തില് നിന്നും 22 വര്ഷമായി ഉയര്ത്തുന്നത്.
ഉപജീവനത്തിനായി ഓട്ടോറിക്ഷാ ഓടിക്കുന്ന കേരളത്തിലെ അന്പതിനായിരത്തിലധികം പേര്ക്ക് ഇതിന്റെ പ്രയോജനം ലഭിക്കുമെന്ന് മന്ത്രി പറഞ്ഞു.
