അനുബന്ധ വാര്ത്തകള്
- സംസ്ഥാനത്ത് ഇന്ന് 593 പേർക്ക് കൊവിഡ്, 364 പേർക്ക് സമ്പർക്കം വഴി രോഗം
- കൊവിഡ് പടരുന്നു, തലസ്ഥാനത്തെ തീരപ്രദേശങ്ങൾ പത്ത് ദിവസത്തേക്ക് അടച്ചു
- ഇത്ര ദിവസം പുതിയ കേസുകള് ഇല്ലെന്ന് ഉറപ്പാക്കിയാല് മാത്രമേ ഒരു പ്രദേശത്തെ ക്ലസ്റ്ററില് നിന്ന് ഒഴിവാക്കുകയുള്ളു
- നിരീക്ഷണത്തില് കഴിഞ്ഞിരുന്ന ഗൃഹനാഥന് ആത്മഹത്യ ചെയ്തതില് അന്വേഷണം ആവശ്യപ്പെട്ട് കുടുംബം
- ലൈറ്റിട്ടാണോ ഉറങ്ങാറ് ? എങ്കിൽ ആ ശീലം എത്രയും പെട്ടന്ന് അവസാനിപ്പിച്ചോളൂ... !
തിരുവനന്തപുരം ജില്ലയിലെ തീരപ്രദേശങ്ങള് ക്രിട്ടിക്കല് കണ്ടെയിന്മെന്റ് സോണായി പ്രഖ്യാപിച്ചു
ജില്ലയിലെ തീരപ്രദേശങ്ങള് ക്രിട്ടിക്കല് കണ്ടെയിന്മെന്റ് സോണായി ജില്ലാ കളക്ടര് ഡോ. നവജ്യോത് ഖോസ പ്രഖ്യാപിച്ചു. ഇന്ന് അര്ദ്ധരാത്രി മുതല് 10 ദിവസത്തേക്കാണ് (28 ജൂലൈ അര്ദ്ധരാത്രിവരെ)നിയന്ത്രണം. ഈ ദിവസങ്ങളില് ഒരുതരത്തിലുള്ള ലോക്ക്ഡൗണ് ഇളവുകളും ഈ പ്രദേശങ്ങളില് ഉണ്ടാകില്ല.
തീരപ്രദേശങ്ങളെ മൂന്നു സോണുകളായി തിരിച്ചാണ് നിയന്ത്രണം ഏര്പ്പെടുത്തിയിരിക്കുന്നത്. ഇടവ മുതല് പെരുമാതുറ(സോണ് 1) വരെയും പെരുമാതുറ മുതല് വിഴിഞ്ഞം(സോണ് 2) വരെയും വിഴിഞ്ഞം മുതല് പൊഴിയൂര്(സോണ് 3) വരെയുമായാണ് തിരിച്ചിരിക്കുന്നത്. ഇടവ, ഒറ്റൂര്, അഞ്ചുതെങ്ങ്, കടയ്ക്കാവൂര്, വക്കം ഗ്രാമപഞ്ചായത്ത്, വര്ക്കല മുന്സിപ്പാലിറ്റി എന്നിവിടങ്ങളിലെ തീരപ്രദേശങ്ങള് സോണ് ഒന്നിലും ചിറയിന്കീഴ്, കഠിനംകുളം ഗ്രാമപഞ്ചായത്ത്, തിരുവനന്തപുരം കോര്പ്പറേഷന് എന്നിവിടങ്ങളിലെ തീരപ്രദേശങ്ങള് സോണ് രണ്ടിലും കോട്ടുകാല്, കരിംകുളം, പൂവാര്, കുളത്തൂര് ഗ്രാമപഞ്ചായത്ത് എന്നിവിടങ്ങളിലെ തീരപ്രദേശങ്ങള് സോണ് മൂന്നിലും ഉള്പ്പെടും.
ഐ.എ.എസ് ഉദ്യോഗസ്ഥരായ യു.വിജോസ്, ഹരികിഷോര് എന്നിവരെ സോണ് ഒന്നിലും എം.ജി രാജമാണിക്യം, ബാലകിരണ് എന്നിവരെ സോണ് രണ്ടിലും ശ്രീവിദ്യ, ദിവ്യ അയ്യര് എന്നിവരെ സോണ് മൂന്നിലും ഇന്സിഡന്റ് കമാന്റര്മാരായി നിയമിച്ചിട്ടുണ്ട്.
