അനുബന്ധ വാര്ത്തകള്
- തൃശൂരില് സര്വീസ് സഹകരണ ബാങ്കില് രണ്ട് സെക്യൂരിറ്റി ജീവനക്കാര് മരിച്ച നിലയില്
- Thrissur Pooram Holiday: തൃശൂര് പൂരം: പ്രാദേശിക അവധി പ്രഖ്യാപിച്ചു
- Thrissur Pooram: തൃശൂര് പൂരം 19 ന്, വടക്കുന്നാഥ ക്ഷേത്രത്തില് ചെരുപ്പ് ധരിച്ചു പ്രവേശിക്കുന്നതിനു വിലക്ക്
- തൃശൂരില് വിഎസ് സുനില് കുമാറിന്റെ അപരന് മത്സരരംഗത്ത്; സുരേഷ് ഗോപിയുടെ ഡമ്മി സ്ഥാനാര്ത്ഥിയുടെ പത്രിക തള്ളി
- Lok Sabha election 2024: പെരുമാറ്റച്ചട്ടം നടപ്പാക്കുന്നതിന്റെ ഭാഗമായി തൃശൂരില് പൊതുയിടങ്ങളില് നിന്ന് നീക്കിയത് 148880 പ്രചരണ സാമഗ്രികള്
തൃശൂര് അകമലയില് നിന്ന് രണ്ട് മണിക്കൂറിനുള്ളില് വീടുകള് ഒഴിയണമെന്ന് വ്യാജ വാര്ത്ത
ഇവരെയും മാറ്റുന്നതിനുള്ള നടപടി സ്വീകരിച്ചിട്ടുണ്ട്. നിലവിലെ സാഹചര്യത്തില് ഇത്തരം വസ്തുതാ വിരുദ്ധമായ വാര്ത്തകള് പ്രചരിപ്പിക്കരുതെന്നും ജില്ലാ കലക്ടര് അറിയിച്ചു
Thrissur Akamala
തൃശൂര് അകമല മേഖലയില് നിന്ന് രണ്ട് മണിക്കൂറിനുള്ളില് ആളുകളോട് വീടൊഴിയാന് നിര്ദേശം നല്കിയതായി പ്രചരിക്കുന്ന വാര്ത്ത തെറ്റാണെന്ന് ജില്ലാ കലക്ടര് അറിയിച്ചു. ജൂലൈ 31ന് വടക്കാഞ്ചേരി മുനിസിപ്പാലിറ്റി സെക്രട്ടറി അകമല - മാരാത്തുകുന്ന് ഭാഗത്തു മണ്ണിടിച്ചില് സാധ്യതയുണ്ടെന്നും അതിനാല് വിദഗ്ധസംഘം പരിശോധിക്കണമെന്നും ജില്ലാ കണ്ട്രോള് റൂമില് അറിയിച്ചിട്ടുണ്ട്. ഇതിന്റെ അടിസ്ഥാനത്തില് മുന്കരുതല് നടപടിയുടെ ഭാഗമായി മണ്ണിടിച്ചില് സാധ്യതാ പ്രദേശത്തുനിന്ന് ആളുകളെ മാറ്റണമെന്ന നിര്ദേശം നല്കുകയും, 25 കുടുംബങ്ങള് ബന്ധു വീടുകളിലേക്കും, ക്യാമ്പുകളിലേക്കും മാറിയിട്ടുള്ളതാണ്.
കൂടാതെ ജിയോളജിസ്റ്റ്, മണ്ണ് സംരക്ഷണ ഓഫീസര്, ഭൂജലവകുപ്പ് തുടങ്ങിയവര് അടങ്ങുന്ന വിദഗ്ധ സംഘത്തോട് സ്ഥലം സന്ദര്ശിച്ച് ആവശ്യമായ നിര്ദ്ദേശങ്ങള് നല്കാന് അറിയിച്ചതിന്റെ അടിസ്ഥാനത്തില് സ്ഥലം സന്ദര്ശിച്ചിട്ടുമുണ്ട്. അവിടെ മണ്ണിടിച്ചിലിന് സാധ്യതയുണ്ടെന്നും ശക്തമായ മഴ പെയ്യുന്ന സാഹചര്യത്തില് മുന്കരുതല് നടപടികളുടെ ഭാഗമായി ആളുകളെ മാറ്റിത്താമസിപ്പിക്കണമെന്നും വിദഗ്ധസംഘം അറിയിച്ചതായി തഹസില്ദാര് റിപ്പോര്ട്ട് ചെയ്തിട്ടുള്ളതാണ്. പരിസര പ്രദേശങ്ങളിലായി ഏകദേശം എട്ട് കുടുംബങ്ങള് താമസിക്കുന്നുണ്ട്. ഇവരെയും മാറ്റുന്നതിനുള്ള നടപടി സ്വീകരിച്ചിട്ടുണ്ട്. നിലവിലെ സാഹചര്യത്തില് ഇത്തരം വസ്തുതാ വിരുദ്ധമായ വാര്ത്തകള് പ്രചരിപ്പിക്കരുതെന്നും ജില്ലാ കലക്ടര് അറിയിച്ചു.
