അനുബന്ധ വാര്ത്തകള്
- അവസാനം വരെ സതീശൻ എതിർത്തു, സുധാകരൻ കടുപ്പിച്ചതോടെ ഹൈക്കമാൻഡ് വഴങ്ങി, കണ്ണൂരിൽ സുധാകരൻ തന്നെ
- പാലക്കാട് പോരാട്ടം മുറുകുന്നു: പിഷാരടിക്കും ശോഭയ്ക്കും എതിരാളിയായി എൽഡിഎഫ് സ്വതന്ത്രൻ എൻ.എം.ആർ റസാഖ്
- കെ. സുധാകരന് കണ്ണൂരിൽ സീറ്റില്ല; എംപിമാർ ആരും മത്സരിക്കേണ്ടെന്ന തീരുമാനത്തിൽ ഹൈക്കമാൻഡ്, പ്രഖ്യാപനം ഇന്ന് രാവിലെ 10 മണിക്ക്
- നിയമസഭാ തെരഞ്ഞെടുപ്പ്: ആയുധങ്ങള് കൈവശം വെക്കുന്നതിന് നിരോധനം
- ആദ്യ സ്ഥാനാർഥിപട്ടികയിൽ എം ടി രമേശിനും ബി ഗോപാലകൃഷ്ണനും ഇടമില്ല, ബിജെപിയും പൊട്ടിത്തെറി
പിണറായിക്കും ഭാര്യയ്ക്കും 1.06 കോടിയുടെ നിക്ഷേപം, മുഖ്യമന്ത്രിയുടെ കയ്യിലുള്ളത് 10,000 രൂപ : സ്വത്ത് വിവരങ്ങൾ ഇങ്ങനെ
മുഖ്യമന്ത്രി പിണറായി വിജയനും ഭാര്യ കമലയ്ക്കും കൂടി ആകെയുള്ളത് 1.06 കോടി രൂപയുടെ നിക്ഷേപം. ഇന്നലെ നാമനിര്ദേശപത്രികയ്ക്കൊപ്പം സമര്പ്പിച്ച സത്യവാങ്മൂലത്തിലാണ് സ്വത്തുവിവരങ്ങളുള്ളത്. 45.35 ലക്ഷം രൂപയുടെ നിക്ഷേപവും 78 സെന്റ് ഭൂമിയുമാണുള്ളത്. ഭാര്യ കമലയ്ക്ക് 60,58,442 രൂപയുടെ നിക്ഷേപവും 17 സെന്റ് ഭൂമിയുമാണുള്ളത്.
2026-ലെ കേരള നിയമസഭാ തെരഞ്ഞെടുപ്പില് ഇത്തവണ നാമനിര്ദേശ പത്രിക സമര്പ്പിക്കുന്ന ആദ്യ സ്ഥാനാര്ഥിയാണ് മുഖ്യമന്ത്രി. ധര്മ്മടത്ത് നിന്ന് തുടര്ച്ചയായ മൂന്നാം തവണയാണ് പിണറായി വിജയന് ജനവിധി തേടുന്നത്. 10,000 രൂപയാണ് മുഖ്യമന്ത്രിയുടെ കയ്യിലുള്ളത്. ഭാര്യ കമലയുടെ കയ്യില് 5000 രൂപയും. 45.35 ലക്ഷം രൂപയുടെ നിക്ഷേപവും 78 സെന്റ് ഭൂമിയുമാണ് മുഖ്യമന്ത്രിക്കുള്ളത്. മലയാളം കമ്മ്യൂണിക്കേഷനില് 10,000 രൂപ നിക്ഷേപവും കണ്ണൂര് രാജ്യാന്തര വിമാനത്താവളത്തില് ഒരു ലക്ഷം രൂപയുടെ നിക്ഷേപവുമുണ്ട്.
ഭാര്യ കമലയ്ക്ക് 60,58,442 രൂപയുടെ നിക്ഷേപവും 17 സെന്റ് ഭൂമിയുമാണുള്ളത്. മലയാളം കമ്മ്യൂണിക്കേഷനില് 20,000 രൂപയുടെ നിക്ഷേപവും കണ്ണൂര് രാജ്യാന്തര വിമാനത്താളവത്തില് 2 ലക്ഷത്തിന്റെ ഓഹരികളുമുണ്ട്. കമലയ്ക്ക് 11.56 ലക്ഷത്തിന്റെ സ്വര്ണാഭരണവുമുണ്ട്. പിണറായിക്കെതിരെ 3 ക്രിമിനല് കേസുകള് നിലവിലുണ്ട്. ഒരു കേസിലും ശിക്ഷിക്കപ്പെട്ടിട്ടില്ല.
സി.പി.എം നേതാക്കളായ ഇ.പി. ജയരാജന്, എ.എന്. ഷംസീര്, കെ.കെ. രാഗേഷ് എന്നിവരും ഇടതുജനാധിപത്യ മുന്നണി നേതൃത്വവും പത്രിക സമര്പ്പണ വേളയില് പിണറായി വിജയനൊപ്പം ഉണ്ടായിരുന്നു.
