അനുബന്ധ വാര്ത്തകള്
- രാജ്യത്തെ സജീവ കൊവിഡ് രോഗികള് 22ലക്ഷത്തിന് മുകളില്
- രാജ്യത്ത് പുതിയ കൊവിഡ് കേസുകള് 2,86,384; മരണം 573
- സംസ്ഥാനത്ത് കോവിഡ് നിയന്ത്രണം കടുപ്പിച്ചു; സി കാറ്റഗറിയില് നാല് ജില്ലകള് കൂടി
- കൈയ്യില് തോക്കുമായി ഇന്ദ്രജിത്ത്, ഇതാണ് സിഐ ബെന്നി മൂപ്പന് !
- പഞ്ചായത്ത് അടിസ്ഥാനത്തില് നിയന്ത്രണം കടുപ്പിക്കും; കണ്ടെയ്ന്മെന്റ് സോണുകളും ലോക്ക്ഡൗണും വീണ്ടും
ഒമിക്രോണ്: 97 ശതമാനത്തോളം രോഗികളും വീടുകളില് ഗൃഹ പരിചരണത്തില്
തിരുവനന്തപുരം: ഗൃഹ പരിചരണത്തിനും ആശുപത്രിയിലെ ചികിത്സയ്ക്കും തുല്യ പ്രാധാന്യമാണെന്ന് ആരോഗ്യ വകുപ്പ് മന്ത്രി വീണാ ജോര്ജ്. ഒമിക്രോണ് വകഭേദത്തില് രോഗം ഗുരുതരമാകാനുള്ള സാധ്യത കുറവാണ്. ഓരോ തരംഗത്തിലും വ്യത്യസ്തമായ പ്രതിരോധ തന്ത്രമാണ് സംസ്ഥാനം ആവിഷ്ക്കരിച്ചത്. മൂന്നാം തരംഗത്തിലും ഒന്നും രണ്ടും തരംഗത്തില് നിന്നും വ്യത്യസ്തമായ പ്രതിരോധ മാര്ഗങ്ങളാണ് സ്വീകരിക്കുന്നതെന്നും മന്ത്രി വ്യക്തമാക്കി. 'ഒമിക്രോണ് ജാഗ്രതയോടെ പ്രതിരോധം' എന്ന പേരില് സംസ്ഥാന ആരോഗ്യ വകുപ്പ് സംഘടിപ്പിച്ച പ്രത്യേക ക്യാമ്പയിന് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.
മഹാഭൂരിപക്ഷത്തിനും പ്രത്യേക യഞ്ജത്തിലൂടെ വാക്സിന് നല്കാനായി. അതേസമയം ഒമിക്രോണെ നിസാരമായി കാണരുതെന്നും 97 ശതമാനത്തോളം രോഗികള് വീടുകളില് ഗൃഹ പരിചരണത്തിലാണെന്നും മന്ത്രി പറഞ്ഞു. വീട്ടില് വിദഗ്ധമായ പരിചരണം അത്യാവശ്യമാണ്. ആര്ക്കൊക്കെ ഗൃഹ പരിചരണം എടുക്കാന് കഴിയും. ഇതു സംബന്ധിച്ച് കൃത്യമായ പരിശീലനം ആവശ്യമാണ്. ഇതിലെല്ലാം കൃത്യമായ അവബോധം നല്കാനാണ് ആരോഗ്യ വകുപ്പ് ഉദ്ദേശിക്കുന്നതെന്നും അവര് വ്യക്തമാക്കി.
