മുൻമുഖ്യമന്ത്രിയും മുതിർന്ന സിപിഎം നേതാവുമായ വിഎസ് അച്ച്യുതാനന്ദന്റെ മണ്ഡലത്തിൽ ഇത്തവണ പാർട്ടി സംസ്ഥാന സെക്രട്ടറിയായ എ വിജയരാഘവൻ മത്സരിച്ചേക്കുമെന്ന് റിപ്പോർട്ട്. മലമ്പുഴയിൽ വിജയരാഘവന്റെ പേര് സജീവ്അമായി പാർട്ടി പരിഗണിക്കുന്നതായാണ് പുറത്തുവരുന്ന വിവരം.

അതേസമയം രണ്ടു ടേം പൂർത്തിയാക്കിയ ഇ‌പി ജയരാജൻ സ്ഥാനാർത്ഥിയായേക്കില്ലെന്ന് റിപ്പോർട്ടുണ്ട്. ജയരാജൻ മാറി നിൽക്കുകയണെങ്കിൽ പാർട്ടി സംസ്ഥാന സെക്രട്ടറി സ്ഥാനത്തേക്ക് വരാനിടയുണ്ട്. ജയരാജൻ മാറുന്ന മട്ടന്നൂർ മണ്ഡലത്തിൽ കെകെ ശൈലജ സ്ഥാനാർത്ഥിയായേക്കും. കണ്ണൂർ മുൻ ജില്ലാ സെക്രട്ടറിയായ പി ജയരാജൻ,കെഎൻ ബാലകൃഷ്‌ണൻ,എംബി രാജേഷ് എന്നിവർക്ക് രണ്ട് ടേം മാനദണ്ഡത്തിൽ ഇളവ് നൽകിയേക്കുമെന്നും റിപ്പോർട്ടുണ്ട്. സ്പീക്കർ പി ശ്രീരാമകൃഷ്ണന് ഇളവ് നൽകുമോ എന്ന കാര്യത്തിൽ വ്യക്തത വന്നിട്ടില്ല.