കുടുംബവഴക്കിനെ തുടര്‍ന്ന് ഭാര്യയെ വെട്ടി പരിക്കേല്‍പ്പിച്ച ശേഷം ഗൃഹനാഥന്‍ തൂങ്ങിമരിച്ചു. ശാസ്താംകോട്ട പട്ടകടവ് ആന്റണി കോട്ടേജില്‍ ബിനുവാണ് മരിച്ചത്. 45 വയസായിരുന്നു. ഭാര്യ ലീനയെ ഗുരുതര പരിക്കുകളോടെ ശാസ്താംകോട്ട താലൂക്ക് ആശുപത്രിയില്‍ പ്രവേശിപ്പിച്ചു. തുടര്‍ന്ന് ഇവരെ തിരുവനന്തപുരം മെഡിക്കല്‍ കോളേജില്‍ പ്രവേശിപ്പിച്ചു.

കുട്ടികളുടെ നിലവിളിയെതുടര്‍ന്ന് നാട്ടുകാര്‍ ഓടിയെത്തുകയായിരുന്നു. ഇസ്രയേലില്‍ ജോലി നോക്കുകയായിരുന്ന ലീന ഒരാഴ്ച മുന്‍പാണ് നാട്ടിലെത്തിയത്. വന്നദിവസം മുതല്‍ ഇരുവരും വഴക്കായിരുന്നു.