അനുബന്ധ വാര്ത്തകള്
- VS Achuthanandan - Mararikulam: മുഖ്യമന്ത്രിക്കസേര ഉറപ്പിച്ച സമയം, മാരാരിക്കുളം തോല്വിയില് ഞെട്ടല്; നായനാര് വീണ്ടും മുഖ്യമന്ത്രിയായി
- VS Achuthanandan: വി.എസിന്റെ അന്തിമയാത്ര; നേരിട്ടെത്തി ഒരുക്കങ്ങള് വിലയിരുത്തി പിണറായി
- VS Achuthanandan: വിഎസിന്റെ ഭൗതികദേഹം ഇന്ന് ആലപ്പുഴയിലേക്ക്; സംസ്കാരം നാളെ
- വി.എസിന്റെ നിര്യാണം: സംസ്ഥാനത്ത് നാളെ പൊതു അവധി, 3 ദിവസത്തെ ദുഃഖാചരണം
- VS Achuthanandan : വിഎസിന്റെ സംസ്കാരം മറ്റന്നാള്, ഇന്ന് രാത്രി മുതല് തിരുവനന്തപുരത്ത് പൊതുദര്ശനം, നാളെ ആലപ്പുഴയിലേക്ക്
വിഎസ് അച്യുതാനന്ദന്റെ ഭൗതികശരീരം വഹിച്ചുകൊണ്ടുള്ള വിലാപയാത്രയ്ക്ക് കെഎസ്ആര്ടിസി പ്രത്യേക ബസ്; പൊതുജനങ്ങള്ക്ക് ആദരാഞ്ജലികള് അര്പ്പിക്കാം
ആദരാഞ്ജലികള് അര്പ്പിക്കുന്നതിനും സൗകര്യമൊരുക്കുന്ന രീതിയിലാണ് ബസിന്റെ സജ്ജീകരണം.
മുന് മുഖ്യമന്ത്രി വി.എസ്. അച്യുതാനന്ദന്റെ ഭൗതികശരീരം വഹിച്ചുകൊണ്ടുള്ള വിലാപയാത്ര കെഎസ്ആര്ടിസിയുടെ പ്രത്യേക ബസില്. തിരുവനന്തപുരത്തുനിന്ന് ആലപ്പുഴയിലേക്ക് കൊണ്ടുപോകുന്ന ഭൗതികശരീരം പൊതുജനങ്ങള്ക്ക് കാണാനും ഉള്ളില് കയറി ആദരാഞ്ജലികള് അര്പ്പിക്കുന്നതിനും സൗകര്യമൊരുക്കുന്ന രീതിയിലാണ് ബസിന്റെ സജ്ജീകരണം.
സാധാരണ കെഎസ്ആര്ടിസി ബസില് നിന്നും വ്യത്യസ്തമായി ഗ്ലാസ് പാര്ട്ടീഷന് ഉള്ള ജെ എന് 363 എ.സി. ലോ ഫ്ലോര് ബസാണ് (KL 15 A 407) വി.എസ് അച്യുതാനന്ദന്റെ അന്ത്യയാത്രക്കായി തിരഞ്ഞെടുത്തിരിക്കുന്നത്. വി എസിന്റെ ചിത്രങ്ങള് ഉള്പ്പെടുത്തി പുഷ്പങ്ങളാല് അലങ്കരിച്ച വാഹനമാണ് ഒരുക്കിയിരിക്കുന്നത്. കുറച്ചു സീറ്റുകള് ഇളക്കിമാറ്റി ചുവന്ന പരവതാനി വിരിച്ചിട്ടുള്ള ബസില് ജനറേറ്റര്, ഫ്രീസര് തുടങ്ങിയ സൗകര്യങ്ങളുമുണ്ട്.
ആലപ്പുഴയിലേക്കുള്ള വിലാപയാത്രയ്ക്ക് കെഎസ്ആര്ടിസി ബസില് സാരഥികളാവുന്നത് തിരുവനന്തപുരം സെന്ട്രല് ഡിപ്പോയിലെ ടിപി പ്രദീപും, വികാസ് ഭവന് ഡിപ്പോയിലെ കെ ശിവകുമാറും ആണ്. പ്രധാന ബസിനെ അനുഗമിക്കുന്ന രണ്ടാമത്തെ ബസിന്റെ ഡ്രൈവര്മാര് സിറ്റി ഡിപ്പോയിലെ എച്ച് നവാസും, പേരൂര്ക്കട ഡിപ്പോയിലെ വി ശ്രീജേഷുമാണ്.
