അനുബന്ധ വാര്ത്തകള്
- മുല്ലപ്പെരിയാറില് ആശങ്ക വേണ്ട, തമിഴ്നാട് ഒപ്പമുണ്ട്; പിണറായിക്ക് സ്റ്റാലിന്റെ കത്ത്
- മുല്ലപ്പെരിയാറില് നിന്ന് വെള്ളം ഇടുക്കി അണക്കെട്ടിലേക്ക്; വഴി ഇങ്ങനെ
- മുല്ലപ്പെരിയാര് ജലനിരപ്പ് 138 അടി പിന്നിട്ടു; അണക്കെട്ട് തുറക്കുക നാളെ രാവിലെ ഏഴിന്
- മുല്ലപ്പെരിയാര് ഡാം 29 ന് തുറക്കും; സര്ക്കാര് സജ്ജം
- 138 അടിയായാല് മുല്ലപ്പെരിയാര് തുറന്നുവിടും; ഇപ്പോള് ജലനിരപ്പ് 137.6 അടി
മുല്ലപ്പെരിയാറിനു പിന്നാലെ ഇടുക്കി ഡാമും തുറക്കേണ്ട സാഹചര്യം; അതീവ ജാഗ്രത
മുല്ലപ്പെരിയാര് തുറന്നതിനു പിന്നാലെ ഇടുക്കി ഡാമിലും റെഡ് അലര്ട്ട്. ഡാമിലെ ജലനിരപ്പ് റൂള് കര്വ് പരിധി പിന്നിട്ട സാഹചര്യത്തിലാണ് റെഡ് അലര്ട്ട് പ്രഖ്യാപിച്ചത്. ഇടുക്കി ഡാം ഉള്പ്പെടെ കെഎസ്ഇബിക്ക് കീഴിലുള്ള ഒന്പത് ഡാമുകളില് റെഡ് അലര്ട്ടുണ്ട്. ഇടുക്കി ഡാം ആവശ്യമെങ്കില് തുറക്കുമെന്ന് ജലവിഭവ മന്ത്രി റോഷി അഗസ്റ്റിന് പറഞ്ഞു.
അതേസമയം, മുല്ലപ്പെരിയാര് ഡാം തുറന്ന് വെള്ളം പുറത്തേക്ക് ഒഴുക്കി വിടുകയാണ്. അണക്കെട്ടിന്റെ ആദ്യത്തെ രണ്ട് സ്പില്വേകളും തുറന്നു. ആദ്യ സ്പില്വേഷട്ടര് തുറന്നത് 7.29 ന്. സ്പില്വേയിലെ 3,4 ഷട്ടറുകള് 34 സെന്റീമീറ്റര് വീതമാണ് ഉയര്ത്തിയത്. ഇതോടെ, പെരിയാറില് 60 സെന്റിമീറ്റര് താഴെ ജലനിരപ്പുയരും. പെരിയാര് തീരത്ത് കനത്ത ജാഗ്രത നിര്ദേശം സര്ക്കാര് പുറപ്പെടുവിച്ചിട്ടുണ്ട്. സെക്കന്ഡില് 534 ഘനയടി വെള്ളമാകും ഇതോടെ പുറത്തേക്ക് ഒഴുക്കിവിടുക. ഡാമിലെ ജലനിരപ്പ് 138.40 അടിയായി.
