അനുബന്ധ വാര്ത്തകള്
- കുളിമുറിയില് ഒളിക്യാമറ, സഹായത്തിനായി പാര്ട്ടി ബ്രാഞ്ച് സെക്രട്ടറിയെ വിളിച്ചു; 'ചോര വീണ മണ്ണില് നിന്ന്..' എന്ന റിങ്ടോണ് കേട്ടത് പറമ്പില് നിന്ന് !
- അയല്വാസിയുടെ കുളിമുറിയില് മൊബൈല് ക്യാമറ വച്ചു; സിപിഎം ബ്രാഞ്ച് സെക്രട്ടറിക്കെതിരെ കേസ്
- കറുത്ത മാസ്ക് ഊരിവാങ്ങുന്നു; പകരം മഞ്ഞ മാസ്ക്
- കറുത്ത മാസ്കിന് വിലക്കുണ്ടോ?
- 'ഷാജ് കിരണിനെതിരെ എന്തുകൊണ്ട് കേസെടുക്കുന്നില്ല, എന്നെ ദ്രോഹിക്കുന്നു': മുഖ്യമന്ത്രിക്കെതിരെ താന് നല്കിയ മൊഴിയില് ഉറച്ചു നില്ക്കുന്നതായി സ്വപ്ന സുരേഷ്
വ്യാജ സ്വര്ണ്ണക്കട്ടി നല്കി പത്ത് ലക്ഷം തട്ടിയെടുത്തയാള് അറസ്റ്റില്
വ്യാജ സ്വര്ണ്ണക്കട്ടി നല്കി പത്ത് ലക്ഷം രൂപ തട്ടിയെടുത്തയാള് അറസ്റ്റിലായി. മലപ്പുറം ചങ്ങരംകുളം സ്വദേശിയില് നിന്നു മലപ്പുറത്തെ തിരുവാലി നട്ടുവത്ത് വിളക്കത്തില് അബ്ദുല് സലിം എന്ന 39 കാരനാണു പണം തട്ടിയെടുത്ത് പിടിയിലായത്. സലീമിനെ കൂടാതെ മൂന്നു പേരെ കൂടി കണ്ടെത്താനുണ്ടെന്നാണ് പോലീസ് പറയുന്നത്.
കഴിഞ്ഞ ഏപ്രില് എട്ടാം തീയതി വാണിയംകുളം - കോതക്കുറുശ്ശി റോഡില് ചന്തയ്ക്കടുത്തതായ വിജന സ്ഥലത്തു വച്ചാണ് ചങ്ങരംകുളത്തെ ആളില് നിന്ന് പത്ത് ലക്ഷം രൂപ യുവാക്കള് വാങ്ങിയത്. ഫോണ് വഴി പരിചയപ്പെട്ടശേഷം പത്ത് ലക്ഷം രൂപാ നല്കിയാല് ഒരു കിലോയുടെ സ്വര്ണക്കട്ടി നല്കാമെന്ന വാഗ്ദാനത്തിലാണ് ചങ്ങരംകുളം സ്വദേശി വീണത്. ഇത് നിധിയാണെന്നും മരിച്ചുവിറ്റാല് വന് ലാഭം ലഭിക്കുമെന്നും വിശ്വസിപ്പിച്ചു.
സാമ്പിള് എന്ന നിലയില് ചില ചെറിയ സ്വര്ണ്ണക്കട്ടകള് നല്കിയത് ജൂവലറിയില് കൊണ്ട്പോയി സ്വര്ണ്ണമാണെന്നു ബോധ്യപ്പെടുകയും ചെയ്തു. എന്നാല് സ്വര്ണ്ണക്കട്ട ലഭിച്ച് മറു കച്ചവടം ചെയ്യാനൊരുങ്ങിയപ്പോഴാണ് ഇത് ചെമ്പു കട്ടയാണെന്നു വെളിപ്പെട്ടത്. തുടര്ന്ന് ഒറ്റപ്പാലം പോലീസില് പരാതി നല്കി.
എന്നാല് പേര് പോലും അറിയാത്ത ആളുകളുടെ പേരില് അന്വേഷണം വഴിമുട്ടി. പക്ഷെ സൈബര് സെല്ലിന്റെ സഹായത്തോടെ മുമ്പ് ഫോണില് വിളിച്ചപ്പോള് ലഭിച്ച നമ്പര് വഴി സലീമിനെ പിടികൂടി.
