അനുബന്ധ വാര്ത്തകള്
- മാധ്യമ പ്രവര്ത്തകര് മാര്ഗ തടസം സൃഷ്ടിച്ചു; സുരേഷ് ഗോപിയുടെ പരാതിയില് ദില്ലി പോലീസ് അന്വേഷണം തുടങ്ങി
- സംസ്ഥാനത്ത് വരും മണിക്കൂറുകളില് ഈ ജില്ലകളില് ശക്തമായ മഴയ്ക്ക് സാധ്യത
- സ്ത്രീകളെ ഉപഭോഗവസ്തുക്കളായി കാണുന്നത് അനുവദിക്കാനാവില്ലെന്ന് രാഷ്ട്രപതി ദ്രൗപതി മുര്മു
- മാധ്യമപ്രവര്ത്തകരെ തള്ളിമാറ്റിയ സംഭവത്തില് സുരേഷ് ഗോപിക്കെതിരെ അന്വേഷണം
- സംസ്ഥാനത്ത് കാന്സര് മരുന്നുകള് കുറഞ്ഞ വിലയില് ലഭിക്കുന്ന സ്ഥലങ്ങള് ഇതൊക്കെ
നടിയെ ലൈംഗികമായി പീഡിപ്പിച്ചു; മുകേഷിനെതിരെ ജാമ്യമില്ലാ വകുപ്പ് പ്രകാരം കേസ്
മരടിലെ സ്വകാര്യ ഹോട്ടലില് വെച്ച് തന്നെ ലൈംഗികമായി പീഡിപ്പിച്ചെന്നാണ് നടി പൊലീസിനു നല്കിയിരിക്കുന്ന മൊഴി
നടിയുടെ ലൈംഗിക പീഡന പരാതിയില് നടനും എംഎല്എയുമായ മുകേഷിനെതിരെ ജാമ്യമില്ലാ വകുപ്പ് പ്രകാരം കേസെടുത്തു. ഐപിസി 354-ാം വകുപ്പ് ചുമത്തി കൊച്ചി മരട് പൊലീസാണ് കേസെടുത്തിരിക്കുന്നത്. കൊച്ചി സ്വദേശിയായ യുവതിയാണ് മുകേഷിനെതിരെ പരാതി നല്കിയത്.
മരടിലെ സ്വകാര്യ ഹോട്ടലില് വെച്ച് തന്നെ ലൈംഗികമായി പീഡിപ്പിച്ചെന്നാണ് നടി പൊലീസിനു നല്കിയിരിക്കുന്ന മൊഴി. സിനിമയില് അവസരങ്ങള് നല്കാമെന്നു വാഗ്ദാനം ചെയ്താണ് പീഡിപ്പിച്ചതെന്നും നടി വ്യക്തമാക്കി. ലൈംഗികാതിക്രമം, സ്ത്രീത്വത്തെ അപമാനിച്ചു തുടങ്ങിയ വകുപ്പുകള് ചുമത്തിയാണ് കേസെടുത്തിരിക്കുന്നത്.
മുകേഷിനു പുറമെ നടന്മാരായ ജയസൂര്യ, മണിയന്പിള്ള രാജു, ഇടവേള ബാബു എന്നിവര്ക്കെതിരെയും ഒരു നിര്മാതാവിനും രണ്ട് പ്രൊഡക്ഷന് എക്സിക്യൂട്ടീവുമാര്ക്കും എതിരെയും ഈ നടി കേസ് നല്കിയിട്ടുണ്ട്. ലൈംഗികാതിക്രമം കാട്ടിയെന്ന നടിയുടെ പരാതിയില് നടന് ജയസൂര്യക്കെതിരെ തിരുവനന്തപുരം കന്റോണ്മെന്റ് പൊലീസ് ജാമ്യമില്ലാ വകുപ്പ് പ്രകാരം കേസെടുത്തിട്ടുണ്ട്.
