പ്രണയദിനത്തിൽ കൊല്ലം അഴീക്കൽ ബീച്ചിൽ സദാചാരഗുണ്ടായിസത്തിനിരയായ പെൺകുട്ടിക്ക്​ വധഭീഷണി. കഴിഞ്ഞദിവസം പെണ്‍കുട്ടിയുടെ പിതാവിനെയാണ് ഒരുസംഘം ആളുകള്‍ മകളുടെ കാര്യം പറഞ്ഞ് ഭീഷണിപ്പെടുത്തിയത്.

പെൺകുട്ടിയുടെ അച്ഛന്റെ മുമ്പിൽ വെച്ച്​ ചിലർ വധഭീഷണി മുഴക്കി എന്നാണ്​ പരാതി. വധഭീഷണി സംബന്ധിച്ച്​ പെൺകുട്ടി പൊലീസിൽ പരാതി നൽകി. കേസിലെ പ്രതികളുടെ സുഹൃത്തുക്കളാണ് ഭീഷണിപ്പെടുത്തിയത്. അവര്‍ അഞ്ച് പേരുണ്ടായിരുന്നുവെന്നും പെണ്‍കുട്ടിയുടെ പിതാവ് പറഞ്ഞു. നിയമനടപടികളുമായി മുന്നോട്ട് പോകുമെന്നും പിതാവ് വ്യക്തമാക്കി.

കൊന്നു ചേറില്‍ താഴ്ത്തുമെന്ന രീതിയിലായിരുന്നു പെണ്‍കുട്ടിയെ ഭീഷണിപ്പെടുത്തിയിരിക്കുന്നത്. ''ഒരുത്തന്‍ ചത്തു ഇനി അവനെ തേടി പോകേണ്ട കാര്യമില്ല, അവന്മാര്‍ പുറത്തിറങ്ങുമ്പോള്‍ ഇവളെക്കൂടി ചേറില്‍ താഴ്ത്തണമെന്നും പ്രതികളുടെ സുഹൃത്തുക്കള്‍ എന്ന് സംശയിക്കുന്ന ചിലര്‍ ഭീഷണി മുഴക്കുന്നത് പിതാവ് കേള്‍ക്കുകയായിരുന്നെന്നാണ് വിവരം.

കേസില്‍ പെണ്‍കുട്ടികയെ കൂടി ഇല്ലാതാക്കിയാല്‍ കേസിലെ തെളിവുകള്‍ ഇല്ലാതാകുമെന്ന ഇവര്‍ വിലയിരുത്തിയതായുമാണ് പെണ്‍കുട്ടി ആരോപിക്കുന്നത്.

പാലക്കാട് സ്വദേശിയായ അനീഷെന്ന യുവാവിനും കൂട്ടുകാരിക്കും നേരെ സദാചാര ഗുണ്ടകളുടെ ആക്രമണം ഉണ്ടാകുന്നത്. ഒരു സംഘമാളുകള്‍ ഇരുവരെയും പിടികൂടി മര്‍ദിക്കുകയും ഒരുമിച്ച് നിര്‍ത്തി വീഡിയോ എടുത്ത സമൂഹമാധ്യമങ്ങളിലൂടെ തെറ്റായ രീതിയില്‍ പ്രചരിപ്പിക്കുകയുമായിരുന്നു. തുടര്‍ന്നാണ്, യുവാവ് ആത്മഹത്യ ചെയ്‌തത്.