അനുബന്ധ വാര്ത്തകള്
- സംസ്ഥാനത്തെ ഹെവി വാഹന ഡ്രൈവര്മാര്ക്ക് സീറ്റ് ബെല്റ്റ്: സമയപരിധി ഒക്ടോബര് 30 വരെ നീട്ടി
- തൊഴിലുറപ്പ് തൊഴിലാളികള്ക്ക് ഓണത്തിനു 1000 രൂപ ഉത്സവബത്ത പ്രഖ്യാപിച്ച് സര്ക്കാര്
- പുതുപ്പള്ളി തിരഞ്ഞെടുപ്പ്: ചാണ്ടി ഉമ്മന്റെ സമ്പാദ്യം 15.98ലക്ഷം, ബാങ്ക് വായ്പ 12.72 ലക്ഷം
- ഓണക്കിറ്റ് വിതരണം വൈകും: 23 മുതൽ 4 ദിവസത്തേക്ക് മാത്രം
- ഉന്നം പിടിച്ചത് വന്യമൃഗത്തെ വെടിവെയ്ക്കാന്, ഉണ്ട തുളച്ചുകയറിയത് ഗൃഹനാഥന്റെ ദേഹത്ത്; മൂന്ന് പേര് അറസ്റ്റില്
എഐ ക്യാമറകള് സ്ഥാപിച്ചതോടെ റോഡ് അപകടങ്ങള് കുറഞ്ഞു; നോണ്-വയലേഷന് ബോണസ് നല്കുന്ന കാര്യം ഇന്ഷുറന്സ് കമ്പനികളുമായി ചര്ച്ച ചെയ്യുമെന്ന് ഗതാഗത മന്ത്രി
സംസ്ഥാനത്ത് എ.ഐ.ക്യാമറകള് സ്ഥാപിച്ചതോടെ റോഡ് അപകടങ്ങളും മരണനിരക്കും ഗണ്യമായി കുറഞ്ഞ സാഹചര്യത്തില് വാഹന ഇന്ഷുറന്സില് നോണ്-വയലേഷന് ബോണസ് നല്കുന്ന കാര്യം ഇന്ഷുറന്സ് കമ്പനികളുമായി ചര്ച്ച ചെയ്യാന് ഗതാഗത മന്ത്രി ആന്റണി രാജുവിന്റെ അധ്യക്ഷതയില് ചേര്ന്ന ഉന്നത തല യോഗം തീരുമാനിച്ചു. റോഡ് അപകടങ്ങളും മരണവും കുറഞ്ഞതുകൊണ്ട് വിലപ്പെട്ട നിരവധി മനുഷ്യജീവന് രക്ഷിക്കാനായതിനോടൊപ്പം ഇന്ഷുറന്സ് കമ്പനികള്ക്ക് വലിയ സാമ്പത്തിക നേട്ടവും ഉണ്ടായി. ഗതാഗത നിയമങ്ങള് പാലിക്കുന്നവര്ക്ക് ഇന്ഷുറന്സ് പോളിസിയില് ഇളവും തുടരെത്തുടരെ നിയമലംഘനം നടത്തുന്നവര്ക്ക് പെനാല്റ്റിയും നല്കുന്ന കാര്യം പരിഗണിക്കണമെന്ന് ഇന്ഷുറന്സ് കമ്പനികളോട് ആവശ്യപ്പെടും.
ഓരോ വര്ഷവും ഇന്ഷുറന്സ് പുതുക്കുമ്പോള് ഗതാഗത നിയമ ലംഘന പിഴ തുക അടച്ചതായി ഉറപ്പുവരുത്താനും നിര്ദ്ദേശിക്കും. അപകടമുണ്ടായ ഉടനെ നല്കേണ്ട ഗോള്ഡന് അവര് ട്രീറ്റ്മെന്റിന്റെ ചെലവുകള് വഹിക്കുന്നതിനും ഇക്കാര്യത്തില് പൊതുജനങ്ങള്ക്കും ആംബുലന്സ് ഡ്രൈവര്മാര്ക്കും പരിശീലനം സംഘടിപ്പിക്കാനും റോഡരികുകളില് സൈന് ബോര്ഡ് സ്ഥാപിക്കുന്നതിനും ഇന്ഷുറന്സ് കമ്പനികളോട് അഭ്യര്ഥിക്കുമെന്ന് മന്ത്രി പറഞ്ഞു. ഇതിനായി സെപ്റ്റംബര് മൂന്നാം വാരം ഇന്ഷുറന്സ് കമ്പനി മേധാവികളുടെയും ഐആര്ഡിഎ ഉദ്യോഗസ്ഥരുടെയും യോഗം വിളിച്ചു ചേര്ക്കുമെന്നും മന്ത്രി അറിയിച്ചു.
