ഇന്ത്യൻ ക്രിക്കറ്റിൻ്റെ ഭാവിയെന്ന് ക്രിക്കറ്റ് ലോകവും ആരാധകരും വിശേഷിപ്പിക്കുന്ന സൂപ്പർ പേസർ ഉമ്രാൻ മാലിക്കിനെ നിലം തൊടീക്കാതെ കൊൽക്കത്ത സൂപ്പർ കിംഗ്സ് നായകൻ നിതീഷ് റാണ. ഹൈദരാബാദിനെതിരായ പോരാട്ടത്തിൽ ഒരോവറിൽ 28 റൺസാണ് നിതീഷ് ഉമ്രാനെതിരെ നേടിയത്.

തുടക്കത്തിലെ കൊൽക്കത്തയുടെ വിക്കറ്റുകൾ സ്വന്തമാക്കി മത്സരം ഹൈദരാബാദിൻ്റെ കയ്യിലിരിക്കെയാണ് ആറാം ഓവറിൽ ബൗൾ ചെയ്യാനായി ഉമ്രാൻ മാലിക് എത്തിയത്. എന്നാൽ ഈ ഓവറിൽ അടിച്ചു തകർത്ത നിതീഷ് റാണ മത്സരത്തിൻ്റെ ടോൺ തന്നെ മാറ്റി കളഞ്ഞു. ഉമ്രാൻ എറിഞ്ഞ മത്സരത്തിലെ ആറാം ഓവറിൽ 4,6,4,4,4,6 എന്നിങ്ങനെയായിരുന്നു റൺസ് ഒഴുകിയത്. ഇതോടെ അഞ്ചോവറിൽ 3ന് 34 എന്ന നിലയിലുണ്ടായ കൊൽക്കത്തയുടെ സ്കോർ 6 ഓവറിൽ 62 റൺസ് എന്നതിലേക്ക് മാറി. മത്സരത്തിൽ ഏറെ നിർണായകമായിരുന്നു ഈ ഓവർ.