അഭിറാം മനോഹർ|
Last Modified ചൊവ്വ, 17 ജൂണ് 2025 (13:21 IST)
ഇസ്രായേല്- ഇറാന് സംഘര്ഷം രൂക്ഷമാകുന്നതിനിടെ ഇറാനില് നിന്നും പൗരന്മാരെ ഒഴിപ്പിക്കാനുള്ള നടപടികളുമായി ഇന്ത്യ. 110 ഇന്ത്യന് വിദ്യാര്ഥികള് അര്മേനിയയിലേക്ക് സുരക്ഷിതമായി എത്തിയെന്നാണ് വിവരം. ഇന്ത്യന് പൗരന്മാരുടെ ആദ്യ ബാച്ചിനെ വഹിച്ചുള്ള വിമാനം നാളെ ഡല്ഹിയിലേക്ക് പറക്കും.
+989010144557,+989128109115,+989128109109 എന്നിവയാണ് ടെഹ്റാനിലെ ഇന്ത്യന് എംബസിയുടെ ഹെല്പ് ലൈന് നമ്പറുകള്. ഇറാനില് കുടുങ്ങിയ പതിനായിരത്തോളം വരുന്ന ഇന്ത്യന് വിദ്യാര്ഥികള്ക്ക് സുരക്ഷിതമായ യാത്ര ഒരുക്കണമെന്ന് ഇന്ത്യ ഇറാനോട് ആവശ്യപ്പെട്ടിരുന്നു. ഇറാന് തങ്ങളുടെ വ്യോമാതിര്ത്തികള് അടച്ചതിനാല് വിദ്യാര്ഥികള്ക്ക് കര അതിര്ത്തി ഉപയോഗിച്ച് അസര്ബൈജാന്, തുര്ക്ക്മെനിസ്ഥാന്, അഫ്ഗാനിസ്ഥാന് എന്നിവിടങ്ങളിലേക്ക് കടക്കാമെന്ന് ഇറാന് അറിയിച്ചു. ഇസ്രായേല് ആക്രമണഭീഷണിയുടെ പശ്ചാത്തലത്തില് എല്ലാ ഇന്ത്യക്കാരോടും ടെഹ്റാന് വിടാന് വിദേശകാര്യമന്ത്രാലയം നിര്ദേശം നല്കിയിരുന്നു. വിദേശികള് ഇന്ത്യക്കാരെ അനുഗമിക്കരുതെന്നും നിര്ദേശമുണ്ട്.
