അനുബന്ധ വാര്ത്തകള്
- Betel Leaf: വായ് വൃത്തിയാകും, ദഹനം മെച്ചപ്പെടും: വെറ്റിലയുടെ ആരോഗ്യ ഗുണങ്ങള് അറിയാം
- രാത്രിയിൽ ഉറക്കം മുടക്കരുതെ, ഈ ആരോഗ്യപ്രശ്നങ്ങൾ നിങ്ങളെ അലട്ടാം
- വസ്ത്രത്തിൽ ചായക്കറയായോ? പരിഹാരം അടുക്കളയിലുണ്ട്
- ഉള്ളി മാസങ്ങളോളം കേടുകൂടാതെ സൂക്ഷിക്കാം, ഈ പൊടിക്കൈ അറിഞ്ഞിരിക്കാം
- മഞ്ഞുകാലത്ത് ചുണ്ടുകൾ വരണ്ടുപൊട്ടുന്നത് എങ്ങനെ തടയാം, വീട്ടിൽ പരീക്ഷിക്കാം ഇക്കാര്യങ്ങൾ
Beef Roast: ബീഫ് റോസ്റ്റ് രുചികരമാകാന് പാചകം ഇങ്ങനെ ചെയ്യണം
Beef Roast: മലയാളികള്ക്ക് രുചികരമായ ഭക്ഷണത്തോട് എന്നും പ്രിയമാണ്. ബീഫ് വിഭവങ്ങളോട് മലയാളികള്ക്കുള്ള താല്പ്പര്യം മറ്റെവിടെയും കാണാന് കഴിയില്ല. 'ബീഫ് റോസ്റ്റ്' തന്നെയാണ് രുചിയില് മുന്നില് നില്ക്കുന്നത്. ബീഫ് കൊണ്ടുള്ള വിഭവങ്ങള് രുചിയറിഞ്ഞ് ഭക്ഷിക്കുക മാത്രമല്ല, അതൊന്ന് ഉണ്ടാക്കിനോക്കാമെന്ന് എപ്പോഴെങ്കിലും കരുതിയിട്ടുണ്ടോ? എങ്കില് റെഡിയാവൂ, ബീഫ് റോസ്റ്റ് തന്നെ ഉണ്ടാക്കിക്കളയാം.
ചേരുവകള്: ബീഫ് - 1കിഗ്രാം, സവാള - 2, തക്കാളി - 2, വെളുത്തുള്ളി - 1/4കപ്പ്, പച്ചമുളക് - 4, ഇഞ്ചി - 1കഷണം, മസാലപ്പൊടി - 2ടീസ്പൂണ്, കുരുമുളകുപൊടി - 1ടീസ്പൂണ്, മഞ്ഞള്പ്പൊടി - 1ടീസ്പൂണ്, മുളകുപൊടി - 2ടീസ്പൂണ്, മല്ലിപ്പൊടി - 2ടീസ്പൂണ്, പെരുംജീരകം - 2ടീസ്പൂണ്, മല്ലിയില - കുറച്ച്, കറിവേപ്പില - പാകത്തിന്, ഉപ്പ് - പാകത്തിന്, വെളിച്ചെണ്ണ - പാകത്തിന്
പാകം ചെയ്യുന്ന വിധം: ബീഫ് കഴുകി വൃത്തിയാക്കി കഷണങ്ങളാക്കുക. സവാള, തക്കാളി എന്നിവയും അരിഞ്ഞ് മാറ്റി വയ്ക്കുക. പൊടി ചേരുവകളും, വെളുത്തുള്ളി, ഇഞ്ചി, പച്ചമുളക് എന്നിവയും നന്നായി അരയ്ക്കുക. ഇവ ബീഫില് പുരട്ടി ഒരു മണിക്കൂര് മാറ്റി വയ്ക്കുക. വെളിച്ചെണ്ണ ചൂടാക്കി സവാള, തക്കാളി എന്നിവ നന്നായി വഴറ്റുക. സവാള ബ്രൌണ് നിറമാകുമ്പോള് ബീഫും അരിഞ്ഞ മല്ലിയിലയും കറിവേപ്പിലയും ഉപ്പും ചേര്ത്ത് നന്നായി ഇളക്കി വേവിക്കുക. ആവശ്യമെങ്കില് അല്പം വെള്ളം ചേര്ക്കാവുന്നതാണ്. വെന്തു കുറുകി വരുമ്പോള് വാങ്ങിവയ്ക്കുക.
