അനുബന്ധ വാര്ത്തകള്
- മഴ സമയമാണ്, ഹെപ്പെറ്റെറ്റിസ് എ, ഇ രോഗങ്ങളെ ചെറുക്കുന്നതിനുള്ള മാര്ഗങ്ങള്
- ഹെപ്പെറ്റെറ്റിസ് എ, ഇ രോഗങ്ങള് പിടികൂടാതിരിക്കാന് ഇക്കാര്യങ്ങള് ശ്രദ്ധിക്കണം
- മഴക്കാലത്ത് ഹെപ്പെറ്റെറ്റിസ് രോഗങ്ങളെ ചെറുക്കുന്നതിനുള്ള മാര്ഗങ്ങള്
- ഹെപ്പെറ്റെറ്റിസ് എ, ഇ രോഗങ്ങള് വരാതിരിക്കാന് ഇക്കാര്യങ്ങള് ചെയ്യാം
- ഹെപ്പെറ്റെറ്റിസ് ബി, സി രോഗങ്ങള് വരാതിരിക്കാന് ഇക്കാര്യങ്ങള് ചെയ്യണം
ഒരു ജീവിതം ഒരു കരള്, ഹെപ്പറ്റൈറ്റിസ് രണ്ടും തകര്ത്തേക്കാം
ഹെപ്പറ്റൈറ്റിസ് ബാധിതരായ പലരിലും രോഗ ലക്ഷണങ്ങള് പ്രകടമാകാന് ദീര്ഘനാള് വേണ്ടിവന്നേക്കാം. ഇത് യഥാസമയം രോഗം തിരിച്ചറിയാതെ പോകുന്നതിന് കാരണമാകുന്നു. പലപ്പോഴും കരള് രോഗങ്ങളോ, അര്ബുദമോ ആകുമ്പോഴാണ് പലരും ഹെപ്പറ്റൈറ്റിസ് ബി-യോ, ഹെപ്പറ്റൈറ്റിസ് സി-യോ ഉണ്ടെന്ന് തിരിച്ചറിയുന്നത്.
ഹെപ്പറ്റൈറ്റിസ്-എ മുതല് ഇ വരെ പലതരത്തിലുള്ള വൈറസുകള് ഉണ്ടെങ്കിലും ഹെപ്പറ്റൈറ്റിസ് ബി, സി എന്നിവയ്ക്കെതിരെ കൂടുതല് ജാഗ്രത പുലര്ത്തേണ്ടതുണ്ട്. മിക്കവാറും അണുബാധകള് കണ്ടെത്താതെ പോകുന്നതിനാല് ഓരോ വര്ഷവും ഒരു ദശലക്ഷത്തിലധികം മരണങ്ങളും ഓരോ പത്ത് സെക്കന്ഡിലും ഒരാള്ക്ക് വിട്ടുമാറാത്ത അണുബാധയും ഉണ്ടാകുന്നു.
ഹെപ്പറ്റൈറ്റിസ്-ബി യ്ക്ക് തിരഞ്ഞെടുത്ത ആശുപത്രികളില് രോഗസാധ്യത കൂടുതലുള്ള വിഭാഗത്തിലുള്ളവര്ക്ക് രോഗനിര്ണയം നടത്തി രോഗമില്ല എന്ന് ഉറപ്പുവരുത്തിയതിനുശേഷം പ്രതിരോധ കുത്തിവയ്പ്പ് നല്കുന്നു. ആരോഗ്യപ്രവര്ത്തകര്, പതിവായി ഡയാലിസിസിന് വിധേയമാകുന്നവര്, രോഗബാധിതയായ അമ്മയ്ക്ക് പിറക്കുന്ന കുട്ടികള് എന്നിവര്ക്ക് തീര്ച്ചയായും ഈ കുത്തിവയ്പ്പ് എടുത്തിരിക്കേണ്ടതാണ്. കുഞ്ഞുങ്ങള്ക്ക് 6, 10, 14 ആഴ്ചകളില് നല്കുന്ന പെന്റാവലന്റ് വാക്സിനില് ഹെപ്പറ്റൈറ്റിസ്-ബി വാക്സിനും അടങ്ങിയിരിക്കുന്നു.
