രേണുക വേണു|
Last Modified തിങ്കള്‍, 6 ജൂണ്‍ 2022 (09:10 IST)
ഖത്തര്‍ ലോകകപ്പിലേക്ക് പ്രതീക്ഷയോടെ മാര്‍ച്ച് ചെയ്യുകയാണ് അര്‍ജന്റീന. സൗഹൃദ മത്സരത്തില്‍ എസ്‌തോണിയയെ എതിരില്ലാത്ത അഞ്ച് ഗോളുകള്‍ക്ക് അര്‍ജന്റീന തോല്‍പ്പിച്ചു. അഞ്ച് ഗോളുകള്‍ നേടിയതും നായകന്‍ ലയണല്‍ മെസി തന്നെ. അര്‍ജന്റീനയുടെ തോല്‍വി അറിയാതെയുള്ള 33-ാം മത്സരമാണ് ഇത്.
എട്ടാം മിനിറ്റില്‍ മെസി പെനാല്‍റ്റിയിലൂടെയാണ് ആദ്യ ഗോള്‍ നേടിയത്. പിന്നീട് 45, 47, 71, 76 മിനിറ്റുകളില്‍ മെസി എസ്‌തോണിയയുടെ ഗോള്‍വല കുലുക്കി. ശനിയാഴ്ച ബ്രസീലിനെതിരെയാണ് അര്‍ജന്റീനയുടെ അടുത്ത മത്സരം.
