കൊച്ചി|
സജിത്ത്|
Last Updated:
വെള്ളി, 14 ഒക്‌ടോബര്‍ 2016 (11:03 IST)
ഇന്ത്യന്‍ സൂപ്പര്‍ ലീഗിന്റെ മൂന്നാം സീസണില്‍ ആദ്യജയം തേടി കേരള ബ്ലാസ്‌റ്റേഴ്‌സ് ഇന്നിറങ്ങും. കൊച്ചി ജവഹര്‍ലാല്‍ നെഹ്റു സ്റ്റേഡിയത്തില് ആര്‍ത്തലക്കുന്ന അരലക്ഷത്തിലധികം കാണികള്‍ക്കുമുന്നില്‍ സീസണില്‍ മൂന്നാം വട്ടം പന്തുതട്ടാനിറങ്ങുമ്പോള്‍ ഒരു ജയം മാത്രമാണ് സ്റ്റീവ് കോപ്പലിന്റേയും സംഘത്തിന്റേയും ലക്ഷ്യം.
ഇതുവരെയും തോല്‍വിയറിയാതെ മുന്നേറുന്ന മുംബൈ സിറ്റി എഫ്‌സിയാണ് ബ്ലാസ്‌റ്റേഴ്‌സിന്റെ എതിരാളികള്‍. തുടര്‍ച്ചയായ രണ്ടു പരാജയങ്ങള്‍ക്കുശേഷം നേടിയ സമനിലയുടെ പിന്‍ബലത്തിലാണു ബ്ലാസ്‌റ്റേഴ്‌സ് ഇന്നിറങ്ങുന്നത്. കൊച്ചി ജവഹര്‍ലാല്‍ നെഹ്റു സ്റ്റേഡിയത്തില് രാത്രി ഏഴിനാണു മത്സരം. മല്‍സരം കാണാന്‍ ടീമുടമയായ സച്ചിന്‍ ടെണ്ടുല്‍ക്കറും ഇന്ന് കൊച്ചിയിലെത്തും.
