ഇന്ത്യന് റുപ്പിക്ക് സംസ്ഥാന അവാര്ഡ് - വായനക്കാര്ക്ക് വിലയിരുത്താം
PRO
PRO
മലയാളം വെബ്ദുനിയ പോലും പലപ്പോഴും പൃഥ്വിരാജിനെ ബിഗ്സ്റ്റാര് എന്ന് വിശേഷിപ്പിക്കുന്നത് കണ്ടിട്ടുണ്ട്. അത്തരം വിശേഷണങ്ങള്ക്ക് അപ്പുറത്തേക്ക് നടന്മാര് വളരണം എന്ന അഭിപ്രായമാണ് എനിക്കുള്ളത്. ഇന്ത്യന് റുപ്പിയുടെ കാര്യമെടുത്താല്, പൃഥ്വിയുടെ ബിഗ്സ്റ്റാര് പരിവേഷമല്ല, ആ നടനെയാണ് രഞ്ജിത് ഉപയോഗിച്ചിരിക്കുന്നത്. സൂപ്പര്സ്റ്റാറുകള്ക്കെതിരെ കലാപം പ്രഖ്യാപിച്ച നടന് തിലകന്റെ അഭിനയസമരവും ഈ സിനിമയുടെ പ്രത്യേകതയാണ്.
ഇന്ത്യന് റുപ്പിയുടെ ആദ്യപകുതി നിയന്ത്രിക്കുന്നത് തിലകനാണ്. ആ അഭിനയവൈഭവത്തിനുമുന്നില്, ഗംഭീരമായ സാന്നിധ്യത്തിന് മുന്നില് മറ്റ് താരങ്ങളുടെ പ്രകടനം ശ്രദ്ധയിലെത്തുന്നില്ല. ഇങ്ങനെയൊരു തിരിച്ചുവരവിന് വേണ്ടിയായിരുന്നു തിലകന് നേരെയുണ്ടായ വിലക്കും മാറ്റിനിര്ത്തലുമൊക്കെ എന്നു തോന്നിപ്പോകും. തിലകന്റെ അച്യുതമേനോന് പഴയ പടക്കുതിരയാണ്. പഞ്ചാഗ്നിയിലൊക്കെ നാം കണ്ട് തരിച്ചുനിന്നുപോയ ആ ഉള്ക്കരുത്ത്. തിലകന് വീണ്ടും മലയാള സിനിമ കീഴടക്കുകയാണ് ഈ സിനിമയിലൂടെ.
ബിഗ്സ്റ്റാര് പദവിക്ക് തീ കൊടുക്കുന്ന കഥാപാത്രത്തെയാണ് പൃഥ്വിരാജിന് രഞ്ജിത് സമ്മാനിച്ചത്. പല സങ്കീര്ണമായ മുഹൂര്ത്തങ്ങളിലും പക്വതയാര്ന്ന പ്രകടനമാണ് പൃഥ്വിരാജ് കാഴ്ചവച്ചത്. വാസ്തവത്തിന് ശേഷം, മൊഴിക്ക് ശേഷം പൃഥ്വി എന്ന നടനെ ഉപയോഗിച്ച സിനിമയാണ് ഇന്ത്യന് റുപ്പി.
WEBDUNIA|
Last Updated:
ബുധന്, 23 ഏപ്രില് 2014 (13:08 IST)
ജഗതിയും ടിനി ടോമുമാണ് തിളങ്ങിയ മറ്റ് നടന്മാര്. ഉറുമിക്ക് ശേഷം ജഗതിയുടെ തകര്പ്പന് വേഷം. ടിനി ടോം ആകട്ടെ സി എച്ച് എന്ന കഥാപാത്രമായി മാറുകയായിരുന്നു. സുരേന്ദ്രന് എന്ന കഥാപാത്രമായി ലാലു അലക്സും മിന്നിത്തിളങ്ങി.