ധ്യാൻ ശ്രീനിവാസൻ അടുത്തതായി ഒരു ഡിറ്റക്‍ടീവ് കഥാപാത്രത്തെയാണ് അവതരിപ്പിക്കുന്നത്. നവാഗതനായ ജിത്തു വയലിൽ സംവിധാനം ചെയ്യുന്ന കോമഡി ത്രില്ലർ സിനിമയില്‍ ധ്യാൻ ചെയ്യുന്ന ക്യാരക്ടറിൻറെ പേര് പുറത്തുവന്നിരിക്കുകയാണ്. ‘സത്യനേശൻ നാടാർ' എന്ന കഥാപാത്രത്തെയാണ് അദ്ദേഹം അവതരിപ്പിക്കുന്നത്. ബിപിൻ ചന്ദ്രൻ ആണ് ചിത്രത്തിന് തിരക്കഥയൊരുക്കിയിരിക്കുന്നത്.

‘ഏജൻറ് സായ് ശ്രീനിവാസ ആത്രേയ' എന്ന തെലുങ്ക് സിനിമയുടെ റീമേക്കാണ് ഈ സിനിമ. എന്നാൽ തെലുങ്കു ചിത്രത്തിൽ നിന്ന് വ്യത്യസ്തമായിരിക്കും ഈ ഡിറ്റക്ടീവ് ചിത്രം. ചിത്രത്തിനു വേണ്ടി ധ്യാൻ ശരീരഭാരം കുറച്ചിരിക്കുകയാണ്.

സാം സി‌ എസ് ആണ് ഈ ചിത്രത്തിന് സംഗീതം ഒരുക്കുന്നത്. അഭിനന്ദൻ രാമാനുജൻ ഛായാഗ്രഹണം നിർവഹിക്കുന്നു. സിനിമയുടെ ടൈറ്റിൽ പോസ്റ്റർ ഉടൻ തന്നെ പുറത്തിറങ്ങാനാണ് സാധ്യത. നിലവിൽ ‘ഹിഗ്വിറ്റ' എന്ന് സിനിമയുടെ ഭാഗമാണ് ധ്യാൻ.