അനുബന്ധ വാര്ത്തകള്
- വിക്രം പൊളിയാണ്, ‘ധ്രുവനച്ചത്തിരം’ വിശേഷങ്ങൾ പങ്കുവെച്ച് സംവിധായകൻ ഗൗതം മേനോൻ
- ഐശ്വര്യ രാജേഷിന്റെ 'ഭൂമിക', വനം കയ്യേറ്റം പ്രമേയം
- ഡല്ഹിയിൽ ഷൂട്ട് ചെയ്യാൻ അനുമതി കിട്ടിയില്ല, പുതിയ ലൊക്കേഷൻ തേടി അജിത്തിൻറെ 'വലിമൈ' ടീം
- സൂരരൈ പോട്ര് ഹൈ എനര്ജി ഫിലിം, ഇനി ദിവസങ്ങള് മാത്രം!
- ‘വലിമൈ’ - അജിത്തിന്റെ മരണമാസ് പടം !
മൂന്നാം വിവാഹവും തകര്ന്നു, ഭര്ത്താവ് എവിടെപ്പോയെന്ന് അറിയില്ലെന്ന് പൊട്ടിക്കരഞ്ഞ് വനിത വിജയകുമാര്
തമിഴ് സിനിമാ - സീരിയല് - ടിവി ഷോ താരമായ വനിതാ വിജയകുമാറിന്റെ മൂന്നാം വിവാഹബന്ധവും തകര്ച്ചയില്. മൂന്നാം ഭര്ത്താവായ പീറ്റര് പോള് മദ്യത്തിനും പുകവലിക്കും അടിമയാണെന്നും ദിവസങ്ങള്ക്ക് മുമ്പ് ഗോവന് ട്രിപ്പിനിടെ തന്നോട് യാത്ര പറഞ്ഞുപോയ അദ്ദേഹം ഇപ്പോള് എവിടെയാണെന്ന് അറിയില്ലെന്നും വനിത വിജയകുമാര് തന്റെ യൂട്യൂബ് ചാനലിലൂടെ വെളിപ്പെടുത്തി.
വനിത വിജയകുമാറും പീറ്റര് പോളും ഗോവന് യാത്ര നടത്തുന്നതിനിടെയാണ് പീറ്റര് പോളിന്റെ സഹോദരന്റെ മരണവാര്ത്ത അറിയുന്നത്. അന്ന് വീട്ടില് പോയി വരാമെന്ന് പറഞ്ഞുപോയ പീറ്റര് പോള് പിന്നീട് മടങ്ങിവന്നിട്ടില്ലെന്ന് വനിത വിജയകുമാര് പറയുന്നു. ഇതുവരെ ഫോണ് ചെയ്തിട്ടില്ലെന്നും സഹോദരന്റെ വീട്ടിലും എത്തിയിട്ടില്ലെന്നും ഫോണ് സ്വിച്ച്ഡ് ഓഫ് ആണെന്നും വനിത പറയുന്നു.
എന്നാല് പീറ്റര് പോള് മറ്റ് ചിലയിടങ്ങളില് പോകുന്നതായി താന് അറിഞ്ഞതായും തന്നെ മാത്രം വിളിക്കാതിരിക്കുന്നതിന്റെ കാരണം അറിയില്ലെന്നും വനിത പറയുന്നു. തന്നേക്കാള് മദ്യത്തോടാണ് പീറ്റര്ക്ക് പ്രിയമെന്നും തനിക്ക് സഹിക്കുന്നതിന് ഒരു പരിധിയുണ്ടെന്നും വനിത വ്യക്തമാക്കുന്നു.
ഇക്കഴിഞ്ഞ ജൂണ് 27നാണ് വനിത വിജയകുമാറും പീറ്റര് പോളും തമ്മിലുള്ള വിവാഹം നടന്നത്. വിഷ്വല് ഇഫക്ട്സ് ഡയറക്ടറാണ് പീറ്റര് പോള്. താനുമായുള്ള വിവാഹബന്ധം വേര്പെടുത്താതെയാണ് പീറ്റര് പോള് വനിതയെ വിവാഹം കഴിച്ചതെന്ന് ആരോപിച്ച് പീറ്റര് പോളിന്റെ ഭാര്യ എലിസബത്ത് രംഗത്തുവന്നത് വലിയ വിവാദങ്ങള്ക്ക് വഴിവച്ചിരുന്നു.
