ആദ്യം നിങ്ങളുടെ സിഗരറ്റ് വലി നിർത്തൂ; പ്രിയങ്ക ചോപ്രയെ ട്രോളി സോഷ്യൽ മീഡിയ
ഡൽഹിയിലെ അതിരൂക്ഷമായ വായു മലിനീകരണം കാരണം ഷൂട്ടിംഗ് സെറ്റിൽ മാസ്ക് ധരിച്ചെത്തിയ ചിത്രം പ്രിയങ്ക തന്നെയാണ് കഴിഞ്ഞ ദിവസം ഇൻസ്റ്റഗ്രാമിൽ പങ്കുവച്ചത്.
ഷൂട്ടിങ് സെറ്റിൽ മാസ്ക് ധരിച്ചെത്തിയ പ്രിയങ്ക ചോപ്രയെ ട്രോളുമായി സോഷ്യൽ മീഡിയ. ഡൽഹിയിലെ അതിരൂക്ഷമായ വായു മലിനീകരണം കാരണം ഷൂട്ടിംഗ് സെറ്റിൽ മാസ്ക് ധരിച്ചെത്തിയ ചിത്രം പ്രിയങ്ക തന്നെയാണ് കഴിഞ്ഞ ദിവസം ഇൻസ്റ്റഗ്രാമിൽ പങ്കുവച്ചത്. എന്നാൽ ചിത്രത്തിന് താഴെ നിരവധി പേരാണ് വിമർശനവുമായി രംഗത്തെത്തിയിരിക്കുന്നത്.
പ്രിയങ്കയുടെ പുകവലി ശീലത്തെ കളിയാക്കിയാണ് ആരാധകരെത്തിയിരിക്കുന്നത്. നിങ്ങൾ വലിക്കുന്ന സിഗരറ്റ് നിങ്ങളെ കൊല്ലില്ല, ഭർത്താവിനോടൊപ്പം സിഗരറ്റ് വലിക്കുന്ന നിങ്ങളുടെ ചിത്രം കണ്ടിട്ടുണ്ട്. ദയവായി നിങ്ങളുടെ ആസ്മ ശ്രദ്ധിക്കൂ. ഇങ്ങനെ പോകുന്നു കമന്‍റുകൾ. കുറച്ചു നാളുകൾക്ക് മുൻപ് ഭർത്താവ് നിക്കിനൊപ്പം സിഗരറ്റ് വലിക്കുന്ന പ്രിയങ്കയുടെ ചിത്രം പുറത്തുവന്നിരുന്നു.
അന്നും ആരാധകരുടെ വിമർശനങ്ങൾ താരം ഏറ്റുവാങ്ങി. ദ് വൈറ്റ് ടൈഗർ എന്ന നെറ്റ്ഫ്ലിക്സിലാണ് പ്രിയങ്കയിപ്പോൾ അഭിനയിക്കുന്നത്. അരവിന്ദ് അഡിഗയുടെ പുസ്കത്തെ ആധാരമാക്കിയാണ് നെറ്റ്ഫ്ലിക്സ് ഒരുങ്ങുന്നത്.
