അനുബന്ധ വാര്ത്തകള്
- 'നാടിനു ഉപകാരമുള്ളതൊന്നും ചെയ്യരുത്, തൃശൂരിലെ ജനങ്ങള് മറുപടി നല്കും'; സുരേഷ് ഗോപിക്ക് ട്രോളും വിമര്ശനങ്ങളും !
- വയനാടിനെ പറ്റി തമിഴ്നാട്ടില് നിന്നുള്ള എംപി സംസാരിച്ചപ്പോള് സുരേഷ് ഗോപി കഥകളി പദങ്ങള് കാണിച്ചുവെന്ന് ജോണ് ബ്രിട്ടാസ്
- കേരളത്തിനു വേണ്ടി സംസാരിച്ച് കനിമൊഴി, പരിഹസിച്ച് സുരേഷ് ഗോപി; തൃശൂര് എംപിക്കു കണക്കിനു കിട്ടി (വീഡിയോ)
- സുരേഷ് ഗോപിയുടെ വീട്ടില് മോഷണം; രണ്ടുപേര് പിടിയില്
- കൊല്ലത്തെ സുരേഷ് ഗോപിയുടെ കുടുംബ വീട്ടില് മോഷണം
കടുവാക്കുന്നേല് കുറുവച്ചനായി സുരേഷ് ഗോപി; ഒറ്റക്കൊമ്പന് തുടക്കമായി
സുരേഷ് ഗോപി വീണ്ടും അഭിനയ രംഗത്തേക്ക്. കടുവാക്കുന്നേല് കുറുവച്ചനായി സുരേഷ് ഗോപി വേഷമിടുന്ന ‘ഒറ്റക്കൊമ്പന്’ സിനിമയുടെ ചിത്രീകരണം ആരംഭിച്ചു. തിരുവനന്തപുരം പൂജപ്പുര സെന്ട്രല് ജയിലില് വളപ്പിലെ മഹാഗണപതി ക്ഷേത്രത്തില് നടന്ന ചടങ്ങുകളോടെയാണ് ഷൂട്ടിങ് തുടങ്ങിയത്. ചലച്ചിത്ര പ്രവര്ത്തകരും അണിയറ പ്രവര്ത്തകരും പങ്കെടുത്ത ചടങ്ങില് പ്രശസ്ത നിര്മ്മാതാവ് ടോമിച്ചന് മുളകുപാടം ആദ്യ ഭദ്രദീപം തെളിയിച്ചതോടെയാണ് തുടക്കമിട്ടത്.
മാര്ട്ടിന് മുരുകന്, ജിബിന് ഗോപിനാഥ് എന്നിവരടങ്ങുന്ന ആദ്യ രംഗത്തോടെയാണ് ചിത്രീകരണം ആരംഭിച്ചത്. മലയാളത്തിലെ പ്രമുഖരായ നിരവധി സംവിധായകര്ക്കൊപ്പം പ്രധാന സഹായിയായി പ്രവര്ത്തിച്ചു കൊണ്ടാണ് മാത്യൂസ് തോമസ് ഒറ്റക്കൊമ്പനിലൂടെ സ്വതന്ത്ര സംവിധായകനാകുന്നത്.
കേന്ദ്ര മന്ത്രിയായതിന് ശേഷം സുരേഷ് ഗോപി അഭിനയിക്കുന്ന ആദ്യചിത്രമെന്ന് പ്രത്യേകതയും ഒറ്റക്കൊമ്പനുണ്ട്. ചോരത്തിളപ്പിനൊപ്പം കാലികമായ മാറ്റങ്ങള് ഉള്ക്കൊണ്ട് കാലഘട്ടത്തിന് അനുയോജ്യമായ രീതിയിലാണ് കറുവച്ചന്റ ജീവിതയാത്ര.
