അനുബന്ധ വാര്ത്തകള്
- അപ്രതീക്ഷിതമായി റെസ്റ്റോറന്റില് നയന്താരയും വിഘ്നേഷും എത്തി,ഉടമയെയും ജീവനക്കാരെയുമെല്ലാം ആദ്യം ഒന്ന് ഞെട്ടി, താരങ്ങള് ഓര്ഡര് ചെയ്തത് ഇവയൊക്കെ
- 'വിക്രം' 300 കോടി ക്ലബ്ബില്, പുതിയ വിവരങ്ങള്
- 'വിസ്മയ തിയേറ്ററില് ഇന്നലെ നടന്ന വിസ്മയം'! കുറിപ്പുമായി കൃഷ്ണ ശങ്കര്
- മായാജാലത്തിന് സാക്ഷ്യം വഹിക്കാന് ഇനി 7 മണിക്കൂര് 'കടുവ' ടീസര്-2
- നയന്താര-വിഘ്നേഷ് ശിവന് വിവാഹം: നയന്താരയുടെ അമ്മ പങ്കെടുക്കാതിരുന്നത് എന്തുകൊണ്ട്?
ഇഷ്ടപ്പെട്ട റെസ്റ്റോറന്റിലേക്ക് വിഘ്നേഷിനേയും കൂട്ടി നയന്സ് എത്തി; താരം ഇവിടെ നിന്ന് ഓര്ഡര് ചെയ്യാറുള്ള സ്പെഷ്യല് വിഭവങ്ങള് ഏതൊക്കെയാണെന്ന് അറിയാമോ?
കഴിഞ്ഞ ദിവസം വിവാഹിതരായ നയന്താര-വിഘ്നേഷ് ശിവന് പ്രണയജോഡികള് ഇപ്പോള് കൊച്ചിയിലാണ് ഉള്ളത്. നയന്താരയുടെ അമ്മയെ കാണാനാണ് ഇരുവരും കേരളത്തിലെത്തിയത്. ഏതാനും ദിവസങ്ങള് കേരളത്തില് തങ്ങിയ ശേഷമാകും ഇരുവരും ഇനി ചെന്നൈയിലേക്ക് തിരിക്കുക.
ഞായറാഴ്ച രാവിലെയാണ് ഇരുവരും നെടുമ്പാശേരി വിമാനത്താവളത്തില് എത്തിയത്. അവിടെ നിന്ന് നേരെ നയന്താരയുടെ വീട്ടിലേക്ക്. ഞായറാഴ്ച രാത്രി നയന്താര തന്റെ ഭര്ത്താവിനേയും കൂട്ടി കൊച്ചി പനമ്പിള്ളി നഗറിലെ മന്ന റസ്റ്റോറന്റില് എത്തി. നയന്താരയ്ക്ക് ഏറെ ഇഷ്ടപ്പെട്ട വിഭവങ്ങള് ലഭ്യമാകുന്ന റസ്റ്റോറന്റ് ആണിത്.
രാത്രി 11 മണിക്കാണ് അപ്രതീക്ഷിത അതിഥികളായി ഇരുവരും റസ്റ്റോറന്റില് എത്തിയത്. ഒരു മണിക്കൂറോളം ഇവിടെ സമയം ചെലവഴിച്ചു. നയന്താര കൊച്ചിയില് എത്തുമ്പോള് മന്ന റസ്റ്റോറന്റില് നിന്ന് ഓര്ഡര് ചെയത ഭക്ഷണമാണ് കഴിക്കാറുള്ളത്. ഏറെ ഇഷ്ടപ്പെട്ട പ്രത്യേക വിഭവങ്ങളാണ് നയന്സിനെ ഇങ്ങോട്ട് ആകര്ഷിക്കുന്നത്.
ചിക്കന് കൊണ്ടാട്ടം, പൊറോട്ടയും ചിക്കന് റോസ്റ്റും, നെയ്പ്പത്തിരി, മടക്ക് ചപ്പാത്തി, കല്ലുമ്മക്കായ് നിറച്ചത്, ചിക്കന് 65, ബീഫ് ഡ്രൈ ഫ്രൈ. ബീഫ് നാടന് ഫ്രൈ, നെയ്മീന് മുളകിട്ടത്, പ്രൊണ്സ് & നെയ്മീന് തവ ഫ്രൈ, മന്ന സ്പെഷ്യല് മുഹബത്ത് ടീ എന്നിവയൊക്കെയാണ് നയന്സ് ഇവിടെ നിന്ന് ഓര്ഡര് ചെയ്യാറുള്ളത്.
