1. വിനോദം
  2. സിനിമ
  3. കാര്യം നിസ്സാരം
  4. Bramayugam release and Malaikottai Vaaliban

മോഹന്‍ലാല്‍ ചിത്രത്തിന്റെ ആദ്യ പ്രതികരണങ്ങള്‍ വന്ന സമയത്ത് തന്നെ മമ്മൂട്ടിയുടെ പുതിയ ചിത്രത്തിന്റെ അപ്‌ഡേറ്റ് ! പ്രതികാരം ആണോയെന്ന് സോഷ്യല്‍ മീഡിയ

Bramayugam, Mammootty, Bramayugam Film Review, Mammootty Films 2024
മോഹന്‍ലാലിനെ നായകനാക്കി ലിജോ ജോസ് പെല്ലിശ്ശേരി സംവിധാനം ചെയ്ത മലൈക്കോട്ടൈ വാലിബന്‍ തിയറ്ററുകളില്‍ എത്തിയിരിക്കുകയാണ്. വന്‍ പ്രതീക്ഷകളോടെ റിലീസ് ചെയ്ത ചിത്രത്തിനു ആദ്യദിനം സമ്മിശ്ര പ്രതികരണങ്ങളാണ് ലഭിക്കുന്നത്. എല്ലാവിധ പ്രേക്ഷകരേയും തൃപ്തിപ്പെടുത്താന്‍ ചിത്രത്തിനു കഴിഞ്ഞില്ലെന്നാണ് ആദ്യ പ്രതികരണങ്ങള്‍. ആരാധകര്‍ക്കിടയില്‍ നിന്നു പോലും ശരാശരി അഭിപ്രായങ്ങളാണ് ചിത്രത്തിനു ലഭിച്ചത്. 
 
മോഹന്‍ലാല്‍ ചിത്രത്തിന്റെ ആദ്യ പ്രതികരണങ്ങള്‍ വന്നു തുടങ്ങിയ സമയത്ത് തന്നെ വരാനിരിക്കുന്ന മമ്മൂട്ടി ചിത്രത്തിന്റെ അപ്‌ഡേറ്റും ആരാധകരെ തേടിയെത്തി. മമ്മൂട്ടിയെ നായകനാക്കി രാഹുല്‍ സദാശിവന്‍ സംവിധാനം ചെയ്യുന്ന ഭ്രമയുഗം എന്ന സിനിമയുടെ റിലീസുമായി ബന്ധപ്പെട്ട അപ്‌ഡേറ്റാണ് സോഷ്യല്‍ മീഡിയയില്‍ ചര്‍ച്ചയായിരിക്കുന്നത്. ഹൊറര്‍ ത്രില്ലറായ ഭ്രമയുഗം ഫെബ്രുവരി 15 ന് തിയറ്ററുകളിലെത്തുമെന്നാണ് വിവരം. 
 
മോഹന്‍ലാല്‍ ചിത്രം റിലീസ് ചെയ്ത ദിവസം തന്നെ മമ്മൂട്ടി ചിത്രത്തിന്റെ അപ്‌ഡേഷന്‍ പുറത്തുവിട്ടത് ആരാധകര്‍ കൗതുകത്തോടെയാണ് എടുത്തത്. നേരത്തെ ചില മമ്മൂട്ടി ചിത്രങ്ങള്‍ റിലീസ് ചെയ്ത സമയത്ത് മോഹന്‍ലാല്‍ ചിത്രങ്ങളുടെ കളക്ഷന്‍ വിവരങ്ങള്‍ പുറത്തുവിട്ടിരുന്നു. അതിനു പ്രതികാരമായാണോ ഇപ്പോള്‍ മോഹന്‍ലാല്‍ ചിത്രത്തിന്റെ റിലീസ് ദിവസം തന്നെ മമ്മൂട്ടി ചിത്രത്തിന്റെ അപ്‌ഡേറ്റ് പുറത്തുവിട്ടതെന്നാണ് ആരാധകരുടെ ചോദ്യം. 
 
അടുത്ത ലേഖനം
ഒരാളുമായി പ്രണയത്തിലാണ്, അതുപക്ഷേ നിഷാന്ത് പിറ്റിയല്ല, സമയമാകുമ്പോൾ പറയുമെന്ന് കങ്കണ