രേണുക വേണു|
Last Modified വെള്ളി, 16 സെപ്‌റ്റംബര്‍ 2022 (09:04 IST)
സോഷ്യല്‍ മീഡിയയില്‍ ഏറെ ആരാധകരുള്ള നടിയാണ് ആഷിക അശോകന്‍. തന്റെ ചിത്രങ്ങളും വിശേഷങ്ങളും ആഷിക ആരാധകരുമായി പങ്കുവെയ്ക്കാറുണ്ട്. ഇപ്പോള്‍ ഇതാ തന്റെ ചിത്രത്തിനു താഴെ വന്ന മോശം കമന്റിന് വായടപ്പിക്കുന്ന മറുപടി കൊടുത്തിരിക്കുകയാണ് ആഷിക.
സാരിയിലുള്ള ചിത്രമാണ് ആഷിക പങ്കുവെച്ചത്. ' പെണ്‍കുട്ടികള്‍ ശ്രദ്ധ ആഗ്രഹിക്കുന്നു...സ്ത്രീകള്‍ ബഹുമാനവും' എന്ന ക്യാപ്ഷനോടെയാണ് സാരിയിലുള്ള ചിത്രങ്ങള്‍ താരം പങ്കുവെച്ചത്. ഇതിനു താഴെയാണ് വളരെ മോശം കമന്റുമായി ഒരാള്‍ എത്തിയത്.
' ഓരോരുത്തരുടെ കാഴ്ചപ്പാടല്ലേ ബ്രോ..നിങ്ങള്‍ക്ക് അങ്ങനാവും തോന്നുന്നത്. പക്ഷേ അതിനേക്കാള്‍ ബെറ്റര്‍ ഔട്ട്ലുക്ക് ഉള്ള ലോകത്താ നമ്മള്‍ ഇപ്പോള്‍..വഴിയെ മനസ്സിലാവും' മോശം കമന്റിന് മറുപടിയായി ആഷിക കുറിച്ചു. താനൊരു പ്രൊഫഷണല്‍ ആണെന്നും തന്റെ ജോലി ഭംഗിയായി ചെയ്യുകയാണെന്നും ആഷിക പറഞ്ഞു.
