താരസംഘടനയായ അമ്മയില്‍ ജനറല്‍ ബോഡി തെരഞ്ഞെടുപ്പില്‍ പങ്കെടുക്കുവാനായി എത്തിയ താരങ്ങളുടെ ചിത്രങ്ങളും വീഡിയോകളും സോഷ്യല്‍ മീഡിയയില്‍ വൈറലാണ്.മമ്മൂട്ടി, മോഹന്‍ലാല്‍, ജയസൂര്യ, നിവിന്‍ പോളി, ആസിഫ് അലി, ടോവിനോ അനുശ്രീ,മിയ, കീര്‍ത്തി സുരേഷ് എന്നിവരെല്ലാം മീറ്റിങ്ങിനായി എത്തിയിരുന്നു. ഇപ്പോഴിതാ മമ്മൂട്ടിയോട് തന്റെ വിശേഷങ്ങള്‍ ഓരോന്നായി പങ്കുവെക്കുന്ന ഗിന്നസ് പക്രുവിന്റെ ഫോട്ടോയാണ് ശ്രദ്ധനേടുന്നത്.

വിനയന്‍ സംവിധാനം ചെയ്ത അത്ഭുതദ്വീപ് എന്ന ചിത്രത്തിലൂടെയാണ് പക്രു സിനിമയിലെത്തിയത്. പിന്നീട് ഈ ചിത്രം തമിഴിലേക്ക് റീമേക്ക് ചെയ്തു. 50 ഓളം സിനിമകളില്‍ അദ്ദേഹം അഭിനയിച്ചിട്ടുണ്ട്.കുട്ടിയും കോലും എന്ന സിനിമയാണ് നടന്‍ ആദ്യമായി സംവിധാനം ചെയ്തത്.ഫാന്‍സി ഡ്രസ് എന്നൊരു സിനിമ പക്രു നിര്‍മിച്ചിട്ടുണ്ട്.