അനുബന്ധ വാര്ത്തകള്
- പേടിപ്പിച്ച് ചിരിപ്പിക്കാൻ 'ഹലോ മമ്മി' ഇന്ന് മുതൽ തിയേറ്ററുകളിൽ
- ചിരിപ്പിക്കാൻ ഷറഫുദ്ദീനും ഐശ്വര്യ ലക്ഷ്മിയും; 'ഹലോ മമ്മി' നാളെ മുതൽ
- 'എന്റെ അറിവിൽ സന്തോഷത്തോടെ ജീവിക്കുന്ന ഒരു കുടുംബമേയുള്ളൂ': വിവാഹം കഴിക്കില്ലെന്ന് ഐശ്വര്യ ലക്ഷ്മി
- 'അവള്ക്ക് വേണ്ടി ഞാന് പോരാടും, ഐശ്വര്യ നമ്മുടെ നിധിയാണ്': ചേർത്തുപിടിച്ച് രേഖ
- ദാമ്പത്യ ജീവിതത്തില് രണ്ടുപേര് തമ്മിലുള്ള ആശയവിനിമയം നിലനിര്ത്തേണ്ടത് അത്യാവശ്യമാണെന്ന് ഐശ്വര്യ റായി
'പിറകിൽ നിന്ന് വന്ന് അയാളെന്നെ കെട്ടിപ്പിടിച്ചു, രണ്ട് സെക്കൻഡ് എന്റെ ശരീരം മുഴുവൻ വിറച്ചു': ഐശ്വര്യ ലക്ഷ്മി
ഐശ്വര്യ ലക്ഷ്മിയുടെ 'ഹലോ മമ്മി' തിയേറ്ററുകളിൽ പ്രദർശനം തുടരുകയാണ്. തന്റെ സിനിമയുടെ പ്രൊമോഷന്റെ ഭാഗമായി ധന്യ വർമയുമായുള്ള അഭിമുഖത്തിൽ നടി സ്വകാര്യ ജീവിതത്തിൽ ഉണ്ടായ ചില നുഭവങ്ങളും തുറന്നു പറഞ്ഞിരുന്നു. തെറ്റായ സമീപനത്തെയും സാഹചര്യത്തെയും തനിക്ക് മുൻകൂട്ടി തിരിച്ചറിയാൻ കഴിയാറുണ്ടെന്നാണ് നടി പറയുന്നത്.
'മുന്നിലുന്ന ആളെ മനസിലാക്കാൻ എനിക്ക് പറ്റാറുണ്ട്. എനിക്ക് മനസിലായത് പോലെ ഞാൻ പെരുമാറില്ല. പക്ഷെ ഞാൻ മനസിലാക്കും. ഈയടുത്ത് ഒരു വർക്ക്ഷോപ്പിൽ പോയി. ഞാൻ ആൺ പെൺ വ്യത്യാസമില്ലാതെ ഗുഡ് മോർണിംഗ് പറഞ്ഞ് കെട്ടിപ്പിടിക്കും. ഒരാളെ ഞാൻ കെട്ടിപ്പിടിക്കുന്നില്ല. എന്തുകാെണ്ടെന്ന് അറിയില്ല. പക്ഷെ എനിക്ക് അയാളെ കെട്ടിപ്പിടിക്കേണ്ട. അത് എന്റെ ബോഡി സെൻസ് ചെയ്യുന്നതാണെന്ന് പിന്നീട് ഞാൻ മനസിലാക്കി.
അത് ആർട്ടിക്കുലേറ്റ് ചെയ്യാൻ പറ്റില്ല. ഞാൻ മാറി നിൽക്കുന്നുണ്ടെന്ന് ഈ വ്യക്തിയും മനസിലാക്കി. ഒരു ദിവസം ബ്രേക്ഫാസ്റ്റ് കഴിച്ച് കൊണ്ടിരിക്കവെ പിറകിൽ നിന്ന് വന്ന് എന്നെ കെട്ടിപ്പിടിച്ചു. തെറ്റായ രീതിയിലായിരുന്നില്ല. ചെയറുണ്ട്. രണ്ട് സെക്കന്റെ എന്റെ ശരീരം മുഴുവൻ വിറച്ചു. സാധാരണ ഒരു വ്യക്തി ഒരാൾ അകലം പാലിക്കുന്നത് കണ്ടാൽ അവർക്ക് വളരെ കോൺഫിഡൻസ് ഉണ്ടെങ്കിൽ നേരിട്ട് വന്ന് ചോദിക്കും.
അല്ലെങ്കിൽ കെട്ടിപ്പിടിക്കുന്നതിന് മുമ്പ് അനുവാദം ചോദിക്കും. പക്ഷെ ഇങ്ങനെ ചെയ്തത് അത്ര ശരിയല്ല. എന്റെ തോന്നൽ ശരിയാണെന്നാണ് അതിനർത്ഥം. മുമ്പ് എന്തുകൊണ്ടാണ് ഞാൻ ഇങ്ങനെ ജഡ്ജ്മെന്റലാകുന്നതെന്ന് ചിന്തിക്കുമായിരുന്നു. പക്ഷെ അത് ജഡ്ജ്മെന്റല്ല, ഒരു സാഹചര്യത്തെ നിരീക്ഷിക്കുന്നതാണ്. അതില്ലെങ്കിൽ താൻ അപകടത്തിൽ പോയി ചാടു'മെന്നും ഐശ്വര്യ ലക്ഷ്മി വ്യക്തമാക്കി.
